Isayas 41:8 - Hanunuu

⁸ “Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 41:8 Iomraidhean Croise

2 Krunika 20:7

Diyus nimi, bukun aw tinabug nimu ti manga mag-uli sa inda pag daga sa panab-anan nimu manga nasakupan Israilita? Ag bukun aw ipinakaun nimu inda sa kanda, manga linahi ni Abraham kanmu kakilala, hampay bumaliw kanda tugka aban?

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Kanta 136:21

Ipinakaun niya kanda daga sa kay nasakupan hampay kanda apuun. Kay pagmahal unman may katapusan.

Kanta 136:22

Inda pag daga magkaapu nasakupan Israil, ti manga manugsirbi niya. Kay pagmahal unman may katapusan.

Kanta 33:12

Mapalad ti nasyun kay Diyus imaw ti Panginuun. Mapalad ti pinili Panginuun bumaliw kanya pag nasakupan.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 29:22

Nakan ti Panginuun, ti Diyus nagribri sa kan Abraham may sinabi tungkul sa kay linahi ni Hakub, “Ginan taynguna, udyi sida may ikay-a ngatay may ikadala.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 42:19

Kamu kang manga manugsirbi hanggan pinili. Pagsuguun niku kamu kang manga manugbarita, dapat ud may makatupung sa kanyu magpabungul-bungulun ag magpabuta-butaun.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 44:21

Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 45:4

Tinawag niku kawu hampay awatan nimu ti Israil kang manugsirbi, ti pinili niku pag nasakupan. Kinilala niku kawu una unman waya nimu aku kilala.

Isayas 48:12

“Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isayas 49:3

Magkun siya sa kangku, “Israil, kawu kang manugsirbi. Sa panab-anan nimu, galangun aku manga tawu.”

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Hirimyas 33:24

“Balaw aw nimu nadnugan pagsurugun manga tawu ti nasakupan niku? Magkun sida, ‘Dinayu Panginuun ti duwa ka kaharian kay pinili.’ Nakan pagpuyaan nida kang nasakupan, udyi nida pagkilalan-un nasyun inda.

Libitiku 25:42

Manga suruguun niku kamu, kamu pag manga Israilita ti ipinalwas niku ginan sa Ihiptu. Nakan unman kailangan ipabili niyu kanyu sadili bilang suruguun.

Malakyas 1:2

Magkun ti Panginuun, “Pagmahalun niku kamu. Dapat magpaingana waya kamu, ‘Kabitay nimu kami kamahal?’ Isipa niyu una magtar-ari sida ni Isaw ni Hakub, pagmahalun niku si Hakub

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

Galasya 3:19

Nu katida, hintay nguna kay pulus ti Kasuguan? Idinugang ti Kasuguan hampay ipakilala sa manga tawu kanda buwat kasalanan hanggan sa udwaya rumas-ug ti pinangakuan Diyus pag linahi ni Abraham. Ipinakaun ti Kasuguan ipinadakit manga anghil sa kan Muysis bag-u siya ti nagpadangat sa manga tawu.

Diyuturunumiyu 10:15

Dapat pinili Panginuun kanyu manga ginurang hampay kay mahalun, ag kamu kanda manga lahi ti pinili niya mas higit sa tanan pag nasyun, tugka kainda kamu di maan kay pinili pag manga nasakupan.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Santiyagu 2:23

Natupad ti isinurat sa Kasuratan magkun, “Nagsarig si Abraham sa Diyus, nakan ngani siya kinilala Diyus kuntay matadlung.” Pagkumnun yi Diyus, “Kang iribahun si Abraham.”