Isayas 41:5 - Hanunuu

⁵ Nakitan manga tawu sa arayu pag rugar kang manga binwat, ag tinakigan sida sa dala. Nantiripun sida,

Isayas 41:5 Iomraidhean Croise

Gimpuunan 10:5

Tunda ngani sida kay manga linahi ni Hapit. Sida ti gimpuunan manga tawu mag-uli sa manga baybay hanggan manga puru sa dagat. Ti kada magtal-anakan nida mag-uli sa sadili nida rugar sakup nida nasyun, ag may sadili sida pamagaw.

Kanta 65:8

Magkadala sa kanmu ti manga tawu una ti mag-uli sa arayu pag rugar dahil sa kanmu makadululaw pag manga buwat. Kanmu binuwat makapahuyaw sa kabayaan manga tawu sa buu kalibutan.

Kanta 65:9

Pag-alagaan nimu ti daga ag pagpadaran-an nimu uran; binwat nimu inda abunda. Diyus, kanmu manga sapa balaw magkak-at, ag pagpakan-an nimu patubas ti manga tawu. Pag-ialistu nimu ti daga pumakaun patubas.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Pag-ighit 15:14

Madnugan inda manga nasyun ag takigan sida sa dala. Dalaun gid masyadu ti manga Pilistiyu.

Isayas 41:1

Magkun ti Panginuun, “Kamu pag manga nasakupan sa arayu pag rugar, danga kamu mag-ingay pagpatingi sa kangku. Kamu pag manga nasyun, pagpakarig-un kamu ag pagpakarani sa kangku, bag-u sabihun niyu sa kangku kanyu manga riklamu. Mantiripnan kita ag paghampangan nita inda.

Isayas 41:6

ti kada usa sa kanda mag-arawatan ag magparabisugan.

Isikil 26:18

Bag-u taynguna, pagtakigan sa kadalaan ti manga mag-uli sa arani dagat dahil sa kanmu pagkadamhak.’ ”

Huswi 2:10

Nabaritaan nimi nu kabitay pinamara Panginuun ti Dagat Marara katpung linmuwas kamu ginan sa Ihiptu. Nabaritaan diman nimi nu kabitay niyu minatay ti duwa ka hari manga Amuriyu sida ni Sihun ni Ug, ati sa butlakan Hurdan.

Huswi 5:1

Nabaritaan tanan hari Amuriyu sa isalpan Hurdan hanggan tanan hari Kananiyu sa baybay Dagat Miditiranyu nu kabitay pinamara Panginuun ti Sapa Hurdan katpung nandipay ti manga Israilita. Nakan nadala sida ag nagmatalaw manlaban sa manga Israilita.