Isayas 41:22 - Hanunuu

^22-23 Pagpakarani kamu ag sabiha sa kanmi nu hintay ti manga mangyari sa aratubangun. Sabiha niyu sa kanmi ti manga pagsabihun niyu kaybi mangyari hampay maalaman nimi nu nangyari ngani inda. Sabiha niyu sa kanmi nu hintay ti mangyari sa aratubangun hampay maalaman nimi kamu manga diyus ngani. Pagbuwat kamu mayad ngatay daut hampay kami madulaw ag madala sa kanyu.

Isayas 41:22 Iomraidhean Croise

Isayas 41:26

Si unu sa kanyu ti nakahula kaybi sa kabag-u di waya kuntay mangyari inda hampay maalaman nimi agud sumabi kami ungud gid kay pagsabihun? Una di usa sa kanyu unman gid may nagsabi, unman diman may nakadnug kuntay may sinabi kamu.

Isayas 42:9

Ti manga ihinula niku natupad gid, taynguna sabihun niku ti manga bag-u pag kabagayan bag-u inda matupad.”

Isayas 44:7

Si unu ti makaparihu sa kangku? Tultulan niya sa kang atubangan nu hintay ti nangyari ginan sa ipinatindug niku usa ka nasyun kang nasakupan sa kabag-u pag panahun. Tultulan diman niya sa kangku nu hintay ti mangyari sa aratubangun.

Isayas 45:21

Pagparaingan-an kamu sa usa kag sa usa, bag-u padnugan niyu kanyu katuwiran. Si unu lugud ti naghula kaybi tungkul sa manga bagay mangyari? Unman aw aku, ti Panginuun? Unman may iba Diyus nu unman aku lang — ti matadlung pag Diyus ag Manugribri.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 46:10

Sa umpisa di waya, sinabi yi niku ti manga mangyari sa aratubangun. Kang manga ibinurayhaw pihu gid matupad, buwatun niku ti tanan niku gustu buwatun.

Isayas 48:14

“Pagtipun kamu tanan pagpatingi: Si unu sa manga diyus-diyusan ti naghula kuntay mangyari? Unman gid! Pinili niku kang ampud hampay girahun ti Babilunya hampay sundun kang pag-ipabuwat laban sa tunda pag nasyun.

Isayas 48:3

Magkun siya sa kanyu, “Itinagka yi niku sa kabag-u di waya nu hintay ti manga mangyari sa aratubangun. Tunda kang pag isabuwat.

Huwan 13:19

Taynguna pagka udwaya nangyari tunda, pag-itultul yi niku daan sa kanyu hampay nu mangyari yi, sumarig yi kamu kuntay aku si Aku ngani.

Huwan 16:14

Ipakilala niya sa kanyu kang kadayawan, dahil ginan diman sa kangku pag kaayadan ti ipadakit niya tag sa kanyu.