Isayas 41:19 - Hanunuu

¹⁹ Patubuun niku sa pangawakawaan ti manga puun kayu sidru, akasya, mirtu, ulibu, pinu, inibru, ag sipris,

Isayas 41:19 Iomraidhean Croise

Isayas 27:6

Rumas-ug ti sirang ti nasakupan Israil kay lahi ni Hakub manggamut parihu sa halaman. Mansanga inda, mamusang, hanggan mamurak mayamu ag pun-un ti buu kalibutan.

Isayas 32:15

Mangyari inda tugka sa ipadara sa kanta ti Ispiritu ginan sa langit. Nu katida, ti pangawakawaan bumaliw maabunu pag daga ag ti maabunu pag daga bumaliw kapuruan.

Isayas 35:1

Ti tigangan makabaya ga tawu. Mamurusang ti manga halaman sa pangawakawaan.

Isayas 43:19

dahil tuhay yi maan pag bagay kang buwatun. Magpangyari yi ngani inda. Unman aw lugud niyu mag-akitan? Mamuwat aku dalan hanggan manga bulbugan sa tigangan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 55:13

Manubu yi ti manga puun sipris hanggan mirtu sa daan turubuan kaybi manga halaman madugi. Tunda pag manga nangyari makapakaun kadayawan sa kangku. Bumaliw puruyba inda niku kamaskihan hanggan aban.”

Isayas 60:13

Ti kayamanan Libanun mapasa-kanmu — kanda manga puun kayu pinu, manga inibru hanggan sipris, hampay maparinu ti Balay Diyus kang pag-ulian.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Isikil 47:12

Tumubu sa baliw-baliw saruy sapa ti tuhay-tuhay pag manga kayu magburak. Balaw malayung kanda manga labung ag balaw matabu kanda manga burak. Manburak inda kada bulan dahil pagbulusan danum ginan sa Balay Diyus. Kanda manga burak para karan-unun ag kanda manga labung para pamulung.”

Husyas 14:8

“Manga taga Israil, danga yi kamu magdangup sa manga diyus-diyusan. Aku ti sumagut kanyu manga darangin hanggan ti mangalaga sa kanyu. Alagaan niku kamu; parihu aku sa malangba pag kayu sipris, magpakaun hamuy. Aku ti magpadaka sa kanyu.”