Isayas 41:16 - Hanunuu

¹⁶ Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 41:16 Iomraidhean Croise

Kanta 1:4

Dapat balaw katida ti daut pag manga tawu. Sida unman may pulus, parihu sa upa pag-ipayag lang durus.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 17:13

Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 28:5

Sa ati pag sirang, ti Panginuun Makamaskihan bumaliw parihu sa marinu pag sangbaw busang kayu para sa kay manga nasawad niya pag manga nasakupan.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 40:24

Parihu sida sa manga tanum bag-u di waya magtubu harus unman waya nakagamut. Inyup sida Panginuun ag kadaka lang narubay ag ipinayag buhawi ga upa.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 60:19

“Balaw yi init ti rumayaw sa kanmu sa surip ag balaw yi bulan ti rumayaw sa kanmu sa yabi, dahil aku, ti Panginuun, kanmu rayaw unman may katapusan. Aku, kanmu Diyus, ti marinu pag karayawan nimu.

Isayas 65:18

Nakan pagbaya kamu ag pag-alaala hanggan aban sa kang buwatun. Dahil ti Hirusalim buwatun niku kabayaan manga tawu, ag kay manga nasakupan magpakaun diman kabayaan.

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 51:2

Mamadara aku manga day-uhan hampay girahun ag wasakun ti Babilunya parihu sa upa payagun durus. Girahun nida ti Babilunya sa tanan bahagi sa sirang kadamhakan inda.

Hirimyas 51:20

Magkun ti Panginuun, “Kawu ti panhampak niku, ti panhampak niku sa girahan. Sa panab-anan nimu, wasakun niku ti manga nasyun ag ti manga kaharian,

Hirimyas 51:33

Magkun ti Panginuun Makamaskihan, ti Diyus Israil, “Ti Babilunya parihu sa tirigu arani yi anihun ag giukun.”

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Husyas 11:9

Balaw yi ipalakaw niku kang masyadu pag pangagalit; balaw yi dautun niku ti Israil, dahil Diyus aku balaw tawu. Aku ti Banal pag Diyus kanyu kaibahan, balaw aku umasan sa kanyu may galit.

Huwil 2:23

Kamu manga taga Siun, pagbaya kamu sa binwat Panginuun niyu Diyus sa kanyu. Dahil pinadarahan niya kamu un-an pag uran ag nadasnan waya tunda parihu sa kabag-u agud mipakakit kay katadlungan.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Habakuk 3:18

makabaya diman aku dahil ti Panginuun Diyus imaw ti magribri sa kangku.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.