Isayas 41:10 - Hanunuu

¹⁰ Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 41:10 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 31:5

Magkun siya tag sa kanda, “Napansin niku tuhay yi kay magpakiusa niyu ama sa kangku. Dapat balaw aku pinabay-anan Diyus niku ama.

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

2 Samwil 22:19

Sinalakay nida aku sa udas niku kakurian, dapat inawatan nimu aku, Panginuun.

1 Krunika 12:18

Bag-u sinuldan Ispiritu Diyus si Amasay pagka dugay siya yi ti takinan sa 30 ka maisug pag manga sundalu, ag magkun siya, “Sa kanmu di kami, Ungud Dabid anak ni Isai! Mana pumanalu kawu hanggan ti manga mag-awat sa kanmu, dahil kanmu Diyus mag-awat sa kanmu.” Nakan tinanggap sida ni Dabid binwat may kangaranan niya pag manga sundalu.

2 Krunika 20:17

Balaw yi kailangan manlaban waya kamu. Pag-alistu lang kamu ag pagpakarig-un, bantayi niyu ti panalu buwatun Panginuun para sa kanyu. Kamu pag manga taga Huda ag taga Hirusalim, danga kamu magkadala ngatay magpanlubay. Atubanga niyu sida aldaw ag ti Panginuun manguyug sa kanyu.’ ”

2 Krunika 32:8

Manga tawu lang kay kaibahan niya; dapat kita, kaibahan nita ti Panginuun kanta Diyus. Siya ti mangawat sa kanta ag lumaban para sa kanta.” Nakan tumutum ti manga tawu dahil sa sinabi ni Hari Isikyas sa Huda.

Kanta 144:11

Ribrihan aku sa kapangyarihan manga day-uhan pagkalaban, unman magsabi kay tutuu ag magpudil una sa kanda magsumpa.

Kanta 144:8

Inda sida balaw magtultul kay tutuu ag magpudil una sa kanda magsumpa.

Kanta 145:14

Pag-awatan nimu ti tanan maglakaw sa kakurian ag pagpabisugun ti manga magpanlumuy.

Kanta 147:12

Dayawun niyu ti Panginuun niyu Diyus, kamu pag manga mag-uli sa Hirusalim.

Kanta 18:36

Pagpakan-an nimu aku marayaw pag lakawan, nakan balaw mag-iligsay kang lulud.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 29:11

Pagpabisugun Panginuun kay nasakupan ag pagpakan-an mayad pag kahamtangan.

Kanta 33:12

Mapalad ti nasyun kay Diyus imaw ti Panginuun. Mapalad ti pinili Panginuun bumaliw kanya pag nasakupan.

Kanta 37:17

Dahil bul-un Panginuun ti kabisugan manga daut, dapat awatan niya ti manga matadlung.

Kanta 37:24

Una mitakid siya, balaw siya magpu dahil paghiyaptan siya Panginuun.

Kanta 41:12

Dahil unman aku may pagbuwatun daut, pag-alagaan nimu kang buhi sa unman may katapusan.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 63:8

Magpakarani aku sa kanmu, ag paghiyaptan nimu aku hampay balaw aku maunu.

Kanta 65:5

Diyus kanmi manugribri, pagsagtun nimu kami sa panab-anan makadululaw pag pagribri nimu sa kanmi. Kawu ti pag-asa tanan tawu, una ti pinakaarayu pag bahagi kalibutan hanggan sa pinakaarayu pag dagat.

Kanta 99:4

Makamaskihan siya pag Hari ag magkaibug sa katadlungan. Matadlung kay maghari; kang-ud kay pagbuwatun sa Israil.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 37:6

magkun si Isayas sa kanda, “Sabihun niyu sa kanyu amu inda ti pagsabihun Panginuun: Danga kawu magkadala sa nadnugan nimu pagpuya sa kang manga tawuhan hari Asirya.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Isayas 50:9

Pagpatingi kamu! Ti Panginuun Diyus imaw ti mag-awat sa kangku. Si unu ti makasabi nagkasala aku? Miparihu sida sa rutay magkarunut, uta-utahun manga iyay.

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Isayas 60:19

“Balaw yi init ti rumayaw sa kanmu sa surip ag balaw yi bulan ti rumayaw sa kanmu sa yabi, dahil aku, ti Panginuun, kanmu rayaw unman may katapusan. Aku, kanmu Diyus, ti marinu pag karayawan nimu.

Karukuan 3:57

Nagras-ug kawu pagka magtawag aku sa kanmu, ag magsabi kawu danga aku magkadala.

Danyil 10:12

Magkun waya siya sa kangku, “Danyil, danga kawu magkadala. Sa un-an di waya pag sirang sa kanmu pagpakumbaba sa Diyus ag sa kanmu kagustuhan masalman ti manga pangakakitun, sinagut yi Diyus kanmu darangin. Nakan nagsitay aku nagdara sagut sa kanmu darangin.

Danyil 6:16

Nakan ipinadakup hari si Danyil ag ipinayamut sa may liyun kali. Magkun ti hari sa kan Danyil, “Mana iribri kawu nimu Diyus kanmu pirmi pagsirbihan.”

Husyas 1:9

Magkun ti Panginuun sa kan Husyas, “Ingarni ti anak Lu Ami, dahil ti nasakupan Israil balaw niku nasakupan ag aku balaw kanda Diyus.

Hagay 1:13

Magkun si Hagay imaw ti manugbarita Panginuun sa manga taga Israilita, “Magkun ti Panginuun kaibahan niyu siya.”

Hagay 2:5

Katunda diman kang itinaratu sa kanyu manga ginurang pagka ipinaluwas niku sida sa Ihiptu. Ag taynguna ginan kaibahan niyu kang Ispiritu. Nakan danga yi kamu magkadala.

Sakaryas 10:12

Pabisugun niku kang nasakupan dahil sida sa kangku di, ag sundun nida aku. Aku, ti Panginuun, ti magsabi inda.”

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:30

Magkun ti anghil sa kanya, “Danga kawu magkadala duy, Marya. Dahil kinaawaan kawu Diyus.

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

2 Kurintu 12:9

Dapat kainda kay sagut niya sa kangku magkun, “Kang-ud yi kawu nu kang pabisugun. Lalu kang mailubus kang kapangyarihan nu kawu malumuy.” Nakan ngani lubus kang pagbayaun ag pagdayawun kang kalumuyan hampay udyi gid mab-ul sa kangku kay kamaskihan ni Kiristu.

Ipisu 3:16

Maghagad aku sa Diyus angay sa kay kayamanan hanggan kamaskihan hampay parig-unun ag pabisugun Ispiritu kanyu tagipusuun,

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Pilipus 4:13

Kaya niku mabuwat inda tanan dahil si Kiristu tigpabisug sa kangku.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Talaghusay 6:16

Sinmagut ti Panginuun, “Awatan niku kawu, ag rurisun nimu ti manga Midyanita ga sa maglaban kawu sa usa lang ka tawu.”