Isayas 40:9 - Hanunuu

⁹ Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 40:9 Iomraidhean Croise

2 Krunika 13:4

Pagras-ug nida ni Abyas sa ababa pag bahagi Ipraim, tinmindug si Abyas sa bantud Simaraim, ag nanringgit sa kan Hirubuam ag sa manga taga Israil, “Pagpatingi kamu sa kangku.

Isayas 1:1

Inda pag ribru tungkul sa ipinaburayhaw Diyus sa kan Isayas kay anak ni Amus. Tungkul inda sa Huda ag sa Hirusalim katpung naghari sa Huda sida ni Usyas, ni Hutam, ni Akas ag ni Isikyas.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 35:2

Manganta ag manringgit sa kabayaan ti pangawakawaan ga tawu, ag mamuklad ti mayamu pag busang. Bumaliw marinu inda parihu sa Bantud Libanun, ag mamurak inda abunda parihu sa karatagan Karmilu ag Sarun. Ag miburayhaw sitay ti kamaskihan ag kadayawan Panginuun nita Diyus.

Isayas 41:27

Aku, ti Panginuun ti maysabi inda kaybi sa Siun, ti banwa Hirusalim. Namadara aku usa ka manugtultul hampay ibarita ti mayad pag barita kuntay asan yi ti manug-awat sa kanda.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 52:6

Dapat rumas-ug ti sirang maalaman niyu nu si unu aku, dahil aku gid ngap tigbagaw sa kanyu. Hu aku ngani.”

Isayas 58:4

Balaw ngani kamu maghandum karan-unun, dapat mag-arawayan diman kamu, magtalaluhan, ag magsuruntukan waya. Danga niyu isipun kanyu unman maghandum karan-unun taynguna makaawat hampay dungugun niku kanyu darangin.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Hirimyas 22:20

Manga taga Huda, paglumi kamu dahil udyi kamu may manugbaliwa manga nasyun. Hanapun niyu sida sa Libanun. Tawagan niyu sida sa Basan ag Abarim.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Nahum 1:15

Bantayi niyu manga taga Huda! May magras-ug manugbarita ginan sa manga kabantudan manultul mayad pag barita hanggan kahusayan sa kanyu rugar. Nakan idaus niyu kanyu manga pista ag tupada niyu kanyu manga taratu sa Panginuun. Dahil ti daut pag nasyun Asirya balaw yi gid gumira sa kanyu, dahil rurisun sida tanan.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Binwat 2:14

Tinmindug si Pidru hanggan ti sampulu may usa ka kaibahan niya manga apustul. Ainalsa ni Pidru kay busis sa kay magpaliwanag sa kayamuan tawu magkun, “Kamu pag manga kaparihu niku Hudiyu hanggan kamu tanan manga mag-uli sa Hirusalim, pag-isipa niyu inda, kamu pagpatingi mayad, dahil aku may itultul sa kanyu.

Binwat 4:13

Pagka nadnugan manga Pinunu kanda ni Pidru ni Huwan pagbagawun matutum kanda naisipan, naglingut gid sida dahil alam diman nida unman masyadu kay inadalan nida ni Pidru nu unman kasarangan lang kay kadunungan pag manga tawu. Kilala diman manga Pinunu sida ni Pidru ni Huwan kay iribahun ni Hisus kaybi sa kay buhi di waya.

Binwat 4:29

Taynguna Panginuun, alalahana nimu nu kabitay sida nangungud ngap sa higpit sa kanmi. Pabisugun duy nimu kami kanmu manga suruguun hampay unman gid kami magkadala magtudlu kanmu Bagaw sa manga tawu.

Ruma 10:18

Dapat kang paingana, unman aw nguna sida nakadnug? Nakadnug yi waydi sida. Dahil magkun sa Banal Kasuratan, “Ras-ug yi sa tanan rugar kanda bagaw, kanda bagaw nilantag yi sa kalibutan.”

Ipisu 6:19

Daranginan diman niyu aku hampay pakan-an kang-ud gid pag baragawun, agud ilubus kang katutuman sa kang magpanudlu sa madalum pag katutuuhanan tungkul sa Mayad pag Barita.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

Talaghusay 9:7

Pagka nasaydan inda ni Hutam, nagtukad siya sa babaw Bantud Girisim ag nagringgit sa kanda, “Manga taga Sikim, patingihi niyu aku nu gustu niyu patingihan kamu Diyus.