Isayas 40:8 - Hanunuu

⁸ Ti ilamnun magkarubay ag kay busang inda magkarugnas, dapat ti bagaw nita Diyus pumirmaminti hanggan aban.”

Isayas 40:8 Iomraidhean Croise

Kanta 111:8

Inda kay manga sugu parargu sa unman may katapusan, ag ipinakaun niya inda may katapatan ag katadlungan.

Isayas 59:21

Inda kang kasunduan sa kanyu: Dayu madura kang Ispiritu asan sa kanyu hanggan kang manga itinultul pag bagaw sa kanyu. Tultulan niyu inda sa kanyu manga anak, ag kailangan itultul maan nida inda sa kanda manga anak tugka sa dumasun pag manga sinulput. Aku, ti Panginuun, ti magsabi inda.”

Hirimyas 44:29

Inda kay tanda kuntay parusahan gid niku kamu sa inda pag rugar hampay maalaman niyu kuntay ungud matupad kadamhakan pagsabihun niku laban sa kanyu:

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Matiyu 5:18

Ungud duy kang pagsabihun sa kanyu, madura di ti langit hanggan ti daga, dapat una lang usa ka pinakadiit pag bahagi Kasuguan ud madura hanggan sa ud matupad ti tanan-tanan manga isinurat siti.

Markus 13:31

Madura di aban ti langit ag ti daga, dapat kang manga bagaw dayu pumalya.”

Huwan 10:35

Alam nita ti pagsabihun Banal Kasuratan unman may pudil hanggan aban. Diyus ngap ti nag-ingaran sa tunda pag manga tawu kuntay sida manga diyus, imaw yi ngani pag manga tawu ti nakatanggap sa kay bagaw Diyus.

Huwan 12:34

Nagsabi ti manga tawu sa kanya magkun, “Naalaman nimi sa kanmi Kasuguan magkun, ti Pinili Diyus Manugribri pag Hari unman gid mamatay hanggan aban. Kabitay duy kanmu pagsabihun kuntay kailangan mamatay ti Anak Tawu? Si unu nguna tunda pag Anak Tawu?”

1 Pidru 1:25

Dapat ti bagaw Panginuun unman may kaduraan hanggan waya aban.” Inda yi ngani pag Bagaw imaw ti Mayad pag Barita ti itinudlu sa kanyu.