Isayas 40:2 - Hanunuu

² Pagbagaw kamu maalumanay sa nasakupan Hirusalim. Sabihun niyu sa kanda kuntay natapus yi ti kakurian nida, pinatawad yi kanda manga kasalanan. Pinarusahan yi niku sida hustu sa tanan nida kasalanan.”

Isayas 40:2 Iomraidhean Croise

Gimpuunan 34:3

Dapat naibug kay tagipusuun sa kan Dina ag kay yi pagkaibgan inda, nakan kay sinuyu ti daraga.

2 Krunika 30:22

Dinayaw ni Isikyas ti tanan Libita sa mayad pag buwat ipinakakit nida sa pagsirbi sa Panginuun. Nakan parargu ti pagdaus nida sa sulud pitu ka sirang. Kinaun nida kanda bahagi sa manga handug, ag nanagda sida manga handug para sa mayad pag pakiusa, ag nagdayaw sa Panginuun, ti Diyus nida manga ginurang.

Kanta 32:1

Mapalad ti tawu pinatawad kay manga paglabag, kay manga kasalanan balaw yi pag-alalahanun Diyus.

Kanta 85:3

Dinura nimu kanmu masyadu pag pangagalit sa kanmi.

Pag-ighit 22:3

Dapat nu nangyari inda sa sirang, ti nakamatay sa mananakaw may saragtun. “Ti mananakaw nadakup kailangan bumayad sa kay tinakaw. Nu unman siya may ibayad, ipabili siya bilang panawuhun ag kay kabilyanan ti ibayad sa kay tinakaw.

Manugtudlu 3:4

may udas sa paglumi ag may udas diman sa pagkasari, may udas sa manghimanglaw ag may udas diman sa pagbaya,

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 49:25

Dapat inda kay sagut Panginuun, “Hu, mairibri nimu ti manga binihag manga sundalu mahigpit ag mab-ul waya nimu kanda manga inagaw. Dahil labanan niku ti manga maglaban sa kanmu ag iribri niku kanmu manga anak.

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 54:15

Nu may man-gira sa kanmu, balaw niku tunda kagustuhan. Mibuyu sida sa kanmu.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 6:7

Ipinad-ut niya ti baga sa kang bibig ag magkun, “Hinikap yi kanmu bibig, udyi kawu may kasalanan dahil pinatawad yi kawu.”

Isayas 61:7

Sa halip kakay-ahan, dubli ngap ti matanggap niyu pag papalad sa kanyu daga ag makabaya gid kamu sa matanggap niyu. Magmasulung gid kamu hanggan aban.

Isayas 66:13

Libangun niku kamu parihu sa usa ka ina maglibang sa kay anak.”

Hirimyas 16:18

Nakan pabayadun niku sida dubli sa kanda kadautan ag kasalanan, dahil inuringan nida kang daga sa panab-anan mayagting ag tigbak pag manga diyus-diyusan nida.”

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 51:10

Ibinalus kita Panginuun. Abala kamu, atabug kita sa Hirusalim ag sabihun nita ati ti binuwat Panginuun nita Diyus.”

Karukuan 4:22

Manga nasakupan Hirusalim, matapus yi kanyu parusa. Arani yi kamu ipauli Panginuun ginan sa pagkabihag. Dapat kamu pag nasakupan Idum parusahan Panginuun dahil sa kanyu manga kasalanan ag itultul niya kanyu kadautan.

Isikil 16:42

Bag-u mahungpawan yi aku sa kang masyadu pag pangagalit ag kang imun sa kanmu, ag balaw yi aku magalit sa kanmu.

Danyil 11:35

Unu-unuhun ti iba ka nakaintindi sa katutuuhanan hampay bumaliw lunsay ag malumpiyu kanda buhi tugka sa rumas-ug ti katugkaan itinagka pag panahun.

Danyil 12:4

Dapat Danyil, siraduha lang dap inda pag ribru ag danga dapu pagsabihan sa manga tawu inda pag barita tugka sa ud rumas-ug ti katapusan. Habang unman waya inda pag-itultul, mayamu ti manipag sa pag-intindi sa manga magpangyari.”

Danyil 12:9

Nagsagut siya, “Danyil, paglakaw yi kawu, dahil kay sagut sa kanmu paingana lihim lang ag balaw kailangan itultul tugka sa ud rumas-ug ti katapusan.

Danyil 9:12

Tinupad nimu kanmu pagsabihun laban sa kanmi hanggan sa kanmi manga takinan kuntay parusahan nimu kami masyadu gid. Nakan ti nangyari sa Hirusalim unman gid may kaparihu sa buu kalibutan.

Danyil 9:2

Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Husyas 2:14

“Dapat taynguna, darahun niku siya sa pangawakawaan ag kaibgan maan tugka sa mapaibug niku siya.

Husyas 2:16

Magkun ti Panginuun sa manga Israilita, “Sa ati pag sirang niyu pagbalik sa kangku, tawagun niyu aku ‘Kang Asawa’ ag balaw yi niyu aku tawagun ‘Kang Baal.’

Habakuk 2:3

Suratan dapu nimu inda dahil balaw waya magras-ug kay kaudasan mangyari inda. Dapat pihu gid mangyari inda udyi dumugay ag balaw pumalya. Nu dumugay waya alagda lang ngalay, dahil pihu gid mangyari inda sa kay kaudasan.

Sipanyas 3:15

Dahil balaw yi kamu parusahan Panginuun. Palayasun niya kanyu manga kalaban. Kaibahan niyu ti Panginuun, ti Hari Israil, nakan udyi kamu may kakurian dapat kadalaan.

Sakaryas 1:13

Ti isinagut Panginuun sa anghil marinu pag bagaw ag makapakaun kabayaan.

Sakaryas 1:15

dapat galit gid aku sa manga nasyun masalimpayaan lang. Kaybi balaw masyadu kang pangagalit sa kanda, dapat dinugangan waya gid nida kang pangagalit sa kanda.

Sakaryas 9:12

Kamu pag manga binihag magsarig mapalpasan, pagbalik yi kamu sa kanyu mapag-un pag manga rugar. Pagsabihun niku sa kanyu taynguna iuli niku sa kanyu dubli ti manga nadura sa kanyu.

Binwat 1:7

Nagsagut si Hisus magkun, “Lubus yi lang kang Ama ti bahala magpili kay taning pag kaudasan. Unman kailangan maalaman niyu nu kapira aban pag mangyari tunda.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

Ipinakakit 18:6

Buwatun niyu sa kanya ga kay diman binwat sa kanyu. Pagbalus kamu sa kanya malamang man sa kay binwat sa kanyu. Pun-a niyu irinmun kay ungut subra waya kay pait sa kay inalistu irinmun niya sa kanyu.