Isayas 40:18 - Hanunuu

¹⁸ Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 40:18 Iomraidhean Croise

Hub 40:9

Makapangyarihan aw lugud kawu parihu sa kangku? Mangurarug aw lugud kanmu busis parihu sa kangku?

Kanta 113:5

Unman gid may pumarihu sa Panginuun nita Diyus, matukawan sa kay tukawan hari ati sa kaabwat-abwatan.

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:7

Paggalangun kawu sa pagtiripun taga langit pag manga linalang. Sida tanan masangputan sa kanmu may kadalaan gid sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 20:4

“Danga kamu magbuwat manga diyus-diyusan histuda una hintay pag bagay sa langit, ngatay sa daga, una sa danum.

Pag-ighit 8:10

Sinmagut ti hari Ihiptu, “Idarangin nimu aku aldaw.” Magkun si Muysis, “Matupad tida angay sa pagsabihun nimu, hampay maalaman nimu unman may kaparihu ti Panginuun nimi Diyus.

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Isayas 40:25

Magkun ti Banal pag Diyus, “Sa kantapu niyu aku pag ipatulad? May kaparihu aw aku?”

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 46:5

Sa kantapu niyu aku pag ipaparihu? May imaw aw aku kaparihu?

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Hirimyas 10:1

Nasakupan Israil, patingihi niyu ti pagsabihun Panginuun.

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 10:6

Panginuun, unman duy kawu may kaparihu. Makamaskihan kawu ag may kadayawan kanmu ngaran.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Binwat 17:29

“Kita ngani manga anak Diyus. Nakan danga nita isipun ti Diyus parihu sa gintu, una pilak, una batu binwat diyus-diyusan, lunsay pinathaw lang isip tawu bag-u binwat niya kamang.

Diyuturunumiyu 33:26

Unman may kaparihu ti Diyus Israil. Masakyan siya sa manga rurum hampay awatan kamu. Sa kay kamaskihan magpaburayhaw siya sa kalangitan.

Diyuturunumiyu 4:15

“Katpung nanhampang sa kanyu ti Panginuun ginan sa basad apuy ati sa Bantud Sinai, unman kamu may nakitan histuda Panginuun. Nakan ngani bantayi niyu kanyu manga sadili

Kulusas 1:15

Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.