Isayas 4:2 - Hanunuu

² Rumas-ug ti sirang paabundahun ag parinuun Panginuun ti manga pananum sa Israil, ti manga patubas sa daga bumaliw kadayawan ag kabayaan manga nasawad tawu sa Hirusalim.

Isayas 4:2 Iomraidhean Croise

Kanta 67:6

Mana pumatubas ti daga. Mana papaladan kita nita Diyus. Ti tanan tawu sa buu kalibutan mana gumalang sa kanya.

Kanta 72:16

Mana umabunda ti manga ani sa daga una sa katayungtungan bantud, parihu sa manga ani sa Libanun. Mana yumamu ti manga mag-uli sa manga banwa, parihu sa manga ilamnun sa manga karatagan.

Pag-ighit 28:2

Pagpatahi kawu banal pag rutay para sa kan Aarun, sa ikagalang hanggan sa ikadayaw manga tawu.

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 27:6

Rumas-ug ti sirang ti nasakupan Israil kay lahi ni Hakub manggamut parihu sa halaman. Mansanga inda, mamusang, hanggan mamurak mayamu ag pun-un ti buu kalibutan.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 45:8

Pumakaun aku panalu, ga uran magkaragdag gin tungud. Matanggap inda manga tawu sa kalibutan. Lumantap ti karibrihan hanggan ti kapanaluhan may katadlungan ga tanum magtubu. Aku, ti Panginuun, ti nagbuwat inda.

Isayas 53:2

Kagustuhan Panginuun kay manugsirbi lumangba parihu sa manga tanum, maggamut sa mamara pag daga. Unman siya may rinu ngatay ikadulaw hampay kita ibugun sa kanya hampay siya pakaranyan.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 33:15

Sa tida pag udas, pamahalaun niku ti hari matadlung ginan sa linahi ni Dabid. Palantagun niya ti katadlungan hanggan ti katuwiran sa buu daga.

Hirimyas 44:14

Magkaramatay kamu tanan, kamu pag manga nasawad buhi sa Huda ag nangulian atay sa Ihiptu. Balaw yi kamu makabalik sa Huda una gustu niyu mamalik ag mangulian ati. Unman may makabalik sa kanyu purya sa pira-pira lang ti makapalagiw.”

Hirimyas 44:28

Nu may imaw man masawad sa girahan ag makabalik sa Huda, pira-pira lang. Dahil sitay, maalaman manga nasawad mag-ulian taynguna sitay sa Ihiptu nu kantapu pag bagaw ti masunud — sa kanda aw ngatay sa kangku.

Isikil 34:29

Pakan-an niku sida daga abunda sa ani hampay unman yi sida mangagwanta sa lun-us ngatay puyaan iba manga nasyun.

Isikil 36:8

Dapat kamu, pag manga bantud Israil, may manga kayu tumubu sa kanyu, bag-u bumurak inda para sa kang nasakupan manga Israilita, dahil arani yi sida muli.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Huwil 3:18

Sa ati katpung pag udas, papaladan niku kamu. Umabunda kanyu bag-u intus ginan sa mayamu pag ubas sa kabantudan, umabunda diman kanyu gatas ginan sa mayamu baka hanggan kambing magharab sa manga tagudtud. Udyi mak-atan kanyu manga laad hanggan sapa. Bumulus ti bulbugan ginan sa Balay Panginuun. Imaw ti maglantap sa manga nak-at pag bululusan danum sa may manga puun akasya.

Ubadyas 1:17

“Dapat may masawad di manga Israilita sa Bantud Siun, ag bumaliw banal maan inda pag rugar. Maiuli di sa manga linahi ni Hakub ti manga daan nida magkaapu pag daga.

Sakaryas 3:8

Taynguna, pagpatingi kawu, Huswi pangulu manughandug: Kawu hanggan ti manga kaparihu nimu manughandug tanda sa manga pararas-ugun mangyari. Itultul niku kang suruguun pag-ingarnan Sanga.

Sakaryas 6:12

Sabihi siya aku, ti Panginuun Makamaskihan, magkun, ‘Ti pag-ingarnan Sanga pag tawu umabunda sa kay kahamtangan taynguna, ipatindug maan niya kang Balay. Parangalan siya bilang hari ag manpamahala. Ti manughandug tumindug sa arani niya tukawan ag magkaimaw sida marinu pag ugnayan.’

Malakyas 3:17

Magkun ti Panginuun Makamaskihan tungkul sa manga tawu maggalang sa kanya, “Baliwun niku sida pinakatuhay pag nasakupan sa sirang niku pag parusa. Balaw niku sida parusahan parihu sa pagbuwatun usa ka ama unman magparusa sa kay anak magsunud sa kanya.

Matiyu 24:22

Nu unman padag-udun di Diyus aban tunda pag udas kakurian, unman may tawu maribri. Dapat dahil ngani sa kay manga pinili, padag-udun Diyus tunda pag udas kakurian.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

2 Pidru 1:16

Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.