Isayas 39:6 - Hanunuu

⁶ Rumas-ug gid ti panahun darahun sa Babilunya ti tanan kayamanan sa balay hari nimu, hanggan ti tanan asan waya pag manga tinipun nimu manga ginurang. Unman gid may masawad, magkun ti Panginuun.

Isayas 39:6 Iomraidhean Croise

2 Hari 24:13

Angay sa sinabi kaybi Panginuun, pinanbuul ni Nabukudunusur ti tanan pag kayamanan sa Balay Diyus Panginuun hanggan sa balay hari, ag ti tanan gintu pag kagamitan ti ipinabwat ni Hari Sulumun taga Israil para sa Balay Diyus Panginuun.

2 Krunika 36:10

Sa pag-umpisa timpu, binihag ni Hari Nabukudunusur si Hihuyakin sa Babilunya. Pinanbuul niya ti manga mahalaga pag kasiyunan sa Balay Diyus Panginuun, ag binwat niya hari sa Huda ag Hirusalim kay bapa ni Hihuyakin si Sidikyas.

2 Krunika 36:18

Dinara ni Nabukudunusur sa Babilunya ti tanan pag kagamitan sa Balay Diyus, dariit ag daraka, ag ti tanan kayamanan sa Balay Diyus, sa hari, ag sa kay manga may kangaranan.

Hirimyas 20:5

Ipaagaw niku sa manga kalaban ti tanan kayamanan sa inda pag banwa Hirusalim — ti tanan nida binudlayan, ti tanan manga mahalaga pag bagay hanggan ti tanan kayamanan hari sa Huda. Darahun nida tanan tida sa Babilunya.

Isikil 23:26

Ubahan diman nida kawu ag bul-un kanmu manga pamarinu.

Danyil 1:2

Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.

Danyil 1:3

Bag-u sinugu ni Hari Nabukudunusur si Aspinas, ti takinan niya manga may kangaranan kuntay pagpili manga pira ka kalay-awan ginan sa manga bihag nida taga Israil, ginan sa lahi hari ag paggalangun pag manga magtal-anakan.