Isayas 39:1 - Hanunuu

¹ Ati katpung, nabaritaan hari Babilunya ni Mirudak Baladan, anak ni Baladan, kuntay naayadan yi si Isikyas sa kay sakit. Nakan nagpadara siya manga surat ag pamakaun sa panab-anan niya manga sugu.

Isayas 39:1 Iomraidhean Croise

2 Samwil 10:2

Magkun si Dabid, “Pakakitan niku kaayadan si Hanun dahil mayad kay ama sa kangku.” Nakan namadara si Dabid manga takinan hampay ipakakit ti pagruku niya sa kan Hanun sa pagkamatay niya ama. Dapat igu rinmas-ug ti manga takinan ni Dabid sa daga manga Amunita,

2 Samwil 8:10

Nakan ipinaatag niya kay anak si Huram sa kan Hari Dabid hampay mankamusta ag manbati sa kay pagpanalu sa kan Hadadisir. (Kaybi di waya magkalaban yi sida ni Tuu ni Hadadisir.) Nagdara si Huram manga pamakaun buwat sa pilak, gintu ag galang.

2 Krunika 32:23

Mayamu pag manga tawu ti nagdara manga handug sa Hirusalim para sa Panginuun. Nandara diman sida manga mahalaga pag manga pamakaun para kan Hari Isikyas. Ati ginan pag-ipadayaw si Isikyas tanan pag nasyun.

2 Krunika 32:25

Dapat nagpadayaw si Isikyas ag ipinalawuy niya ti kaayadan ipinakakit Panginuun sa kanya. Nakan nagalit ti Panginuun sa kanya ag sa manga nasakupan Huda ag Hirusalim.

2 Krunika 32:31

Dapat sinubukan siya Diyus pagka rinmas-ug ti manga may kangaranan ginan sa Babilunya mag-usisa tungkul sa makadululaw pag nangyari sa Huda. Binwat inda Diyus hampay maalaman nu unu ungud sa tagipusuun ni Isikyas.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 13:19

Ti Babilunya pag kaharian imaw ti pinakamarinu sa tanan pag kaharian. Pag-ipadayaw tunda niya manga nasakupan. Dapat gubaun niku tunda parihu sa Suduma ag Gumura.

Isayas 14:4

puyaan niyu kaindaay ti hari Babilunya: “Ipinakababa yi ti manug-api pag hari. Natapus yi kay magpamakuri.

Isayas 23:13

Bantayi niyu ti daga manga taga Babilunya. Naan yi inda kay manga nasakupan? Ginira tunda taga Asirya ag dinaut ti manga mapag-un pag bahagi. Pinabay-anan nida tunda guba ag nagbaliw ulian wadi manga maila hayup.