Isayas 38:3 - Hanunuu

³ Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Isayas 38:3 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 6:9

Inda ti tultulanun tungkul sa linahi ni Nuwi. Si Nuwi matadlung pag tawu. Siya lang ti magkabuhi matadlung sa kay kapanahunan, ag magkabuhi siya kaibahan ti Diyus.

1 Hari 15:14

Una balaw niya ipinadaut ti manga simbahan sa abwat pag rugar, namirmaminti diman siya matinupadun sa Panginuun sa buu buhi niya.

1 Hari 2:4

Nu buwatun nimu inda, tupadun Panginuun kay itinaratu sa kangku, nu kang manga linahi mangabuhi sa tama ag magsunud sa kanya sa buu tagipusuun, may usa gid pirmi sa kanda ti humari sa Israil.

2 Hari 18:3

Mayad kay binuwat ni Isikyas sa magbantay Panginuun, parihu sa binuwat niya ginurang ni Dabid.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

1 Krunika 29:19

Ag awati diman waydi kang anak si Sulumun pag matinupadun gid siya sa kanmu manga sugu, manga patigayun, ag manga surundanun, hanggan sa pagbuwat sa tanan nimu pag-ipatupad tungkul sa pagpatindug Balay Diyus kang iinalistu.”

1 Krunika 29:9

Nagbaya gid ti manga tawu sa kanda manga takinan dahil nagpakaun sida buluntad ag maluag sa kanda tagipusuun para sa Panginuun. Masyadu diman ti kabayaan ni Hari Dabid.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

2 Krunika 25:2

Matadlung kay binwat ni Amasiyas sa magbantay Panginuun, dapat balaw lubus kay magsunud niya sa Panginuun.

Isra 10:1

Habang maluhudan magdarangin si Isra sa atubangan Balay Diyus, maglumi siya, magpahayag manga kasalanan nasakupan Israil, mayamu pag manga Israilita lalaki, babayi, hanggan manga kalay-awan ti nagtiripun sa kay palibut. Maglulumian diman sida mabaskug.

Nihimyas 1:4

Pagka nasaydan niku tida, tinmukaw aku ag nanlumi. Pira ka sirang magpanrukuan aku, unman maghandum karan-unun, hanggan nandarangin sa atubangan Diyus sa langit.

Nihimyas 13:14

Bag-u nandarangin aku, “Diyus niku, alalahana nimu aku, danga gid pagkalimti ti manga mayad niku pag binwat para sa kanmu Balay hanggan sa manga buruwatun sitay.”

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:31

Siniguradu diman niku ti manga pamagba sa handug madara sa kang-ud pag panahun, hanggan ti manga un-an pag ani. “Diyus niku, alalahana nimu aku ag papaladi.”

Nihimyas 5:19

Nandarangin aku, “Diyus niku, mana papaladan nimu aku sa tanan niku pag buwatun para sa inda pag kalamalayan.”

Kanta 101:2

Mangabuhi aku unman may ikasabi. Kapira kawu pag pumakarani sa kangku? Mangabuhi aku unman may ikasabi sa kang pag ulian,

Kanta 102:9

Balaw yi aku makakaun nu unman matukawan wadi sa dapug ag maglumi,

Kanta 119:80

Mana tupadun niku sa buu niku tagipusuun kanmu manga surundanun hampay balaw aku mangay-a.

Kanta 16:8

Panginuun, pirmi niku kawu pag-isipun. Ag dahil asan kawu sa kang arani, balaw aku mataranta.

Kanta 26:3

Dahil pirmi niku magkaala-ala kanmu pagmahal, ag pirmi aku magpangabuhi tapat sa kanmu.

Kanta 32:2

Mapalad ti tawu kay manga kasalanan balaw yi pag-ibilang Panginuun laban sa kanya ag unman siya may pag-itagu kasalanan sa kay tagipusuun.

Kanta 6:6

Magkagasa yi aku sa kang masyadu magpaka-arunghung. Kada yabi kang sangdayan tupus luwa.

Kanta 6:8

Pagpakarayu kamu sa kangku, kamu pag manugbuwat kadautan, dahil nasaydan Panginuun kang maglumi.

Isayas 38:2

Pagka nasaydan inda ni Isikyas, napasrangu siya sa lingub ag nandarangin sa Panginuun.

Isayas 38:4

Magkun ti Panginuun sa kan Isayas

Husyas 12:4

sa panab-anan usa ka anghil, ag nanalu siya. Maglumi siya habang maghagad papalad sa anghil. Nakitan niya ti Diyus sa Bitil, bag-u ati naghampang sa kanya ti Diyus.

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

Diyuturunumiyu 6:18

Buwata niyu ti tama ag ti mayad sa magbantay Panginuun hampay bumaliw mayad kanyu kahamtangan ag maapu niyu ti mayad pag daga kay itinaratu sa kanyu manga ginurang.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.