Isayas 38:16 - Hanunuu

¹⁶ Panginuun, sa binuwat nimu duy inda, mapabisug nimu ti nalub-anan tawu, ag aku ngapu napabisug nimu. Pinaayad nimu aku ag pinahintulutan waya mabuhi.

Isayas 38:16 Iomraidhean Croise

Kanta 119:25

Bilang ga mamatay yi aku, nakan pararguhan kang buhi angay sa kanmu taratu.

Kanta 119:71

Mayad pinarusahan nimu aku, dahil sa panab-anan inda nakaalam aku sa kanmu manga tudlu.

Kanta 119:75

Alam niku, Panginuun, matadlung kanmu manga sugu. Ag dahil tapat kawu, binunggud nimu aku.

Kanta 30:3

Irinibri nimu aku sa kamatayan. Balaw nimu pinahintulutan mamatay aku.

Kanta 39:13

Danga yi kawu magkagalit sa kangku, hampay makabaya waydi aku habang buhi waya aku.

Kanta 71:20

Una pag-ipalakaw nimu aku sa mayamu pag manga pag-agwanta, pakan-an maan nimu aku bag-u pag buhi; ga sa parihu aku sa namatay buhiun di maan nimu.

Isayas 64:5

Pagtanggapun nimu ti manga magbaya magbuwat matadlung ag magsunud sa kanmu manga palakaw. Dapat nangisug kawu sa kanmi dahil parargu nimi paglabagun kanmu manga palakaw. Nakan kabitay kami maribri?

Matiyu 4:4

Dapat sinmagut si Hisus magkun, “Isinurat sa Banal Kasuratan magkun, ‘Balaw lang sa karan-unun pag mabuhi ti tawu nu unman sa kada bagaw Diyus.’”

1 Kurintu 11:32

Dapat nu kita pagparig-anan Panginuun kainda, tunda pariga sa kanta hampay kita unman miusa sa manga taga kalibutan sa sintinsiya aban.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Diyuturunumiyu 8:3

Ipinakumbaba niya kamu sa panab-anan pagpalun-us sa kanyu bag-u pinakan-an niya kamu mana — usa ka kalasi karan-unun unman waya gid niyu nasamitan una hanggan niyu manga ginurang. Binwat inda Panginuun hampay itudlu sa kanyu balaw lang sa karan-unun pag magkabuhi ti tawu, nu unman sa kada bagaw Panginuun.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?