Isayas 37:7 - Hanunuu

⁷ Pagpatingi! Padarahan niku ispiritu ti hari Asirya. Makadnug siya barita imaw ti makapabalik sa kanya sa kay sadili nasyun. Ipamatay niku siya ati sa panab-anan baladaw.”

Isayas 37:7 Iomraidhean Croise

2 Hari 7:6

Dahil ipinadnug Panginuun sa manga sundalu Aram ti agudhud manga kalisa, manga kabayu, ag mayamu pag manga sundalu, nakan nag-isip ti manga Aramiyu inupahan hari Israil ti hari manga Hitiyu hanggan ti hari manga Ihiptu sa paggira sa kanda.

2 Krunika 32:21

Ag nagpadara anghil ti Panginuun imaw ti nanruris sa maisug pag manga sundalu, manga kumandir, ag manga may kangaranan sa kampu hari sa Asirya. Nakan nuli si Hari Sinakirib, nangay-a gid. Ag pagka nagsaka siya sa balay niya diyus-diyusan, minatay siya niya iba ka manga anak sa panab-anan baladaw.

Hub 15:21

Pirmi siya pagkulbaan, ag una sa udas unman may mahawag magkadala siya barang dugmaun manga tulisan.

Hub 4:9

Usa lang ka uyup pangagalit Diyus, pihu midamhak sida. Sa kay pangagalit, maruris sida.

Kanta 58:9

Padamhakan sida, anak man ngatay gurangun. Padamhakan sida mas mabaskug waya sa pag-init anglit pag pagbahan manga madugi pag manga kayu.

Isayas 37:29

Dahil nadnugan niku kanmu pangagalit sa kangku hanggan kanmu pagpayabang sa kangku, paulian niku barung kanmu irung ag pungtun niku kanmu bibig, bag-u guyudun kawu pabalik sa kanmu nag-uryanan, sa kanmu linakawan pag dalan.”

Isayas 37:9

Pagka nakatanggap barita si Hari Sinikarib taga Asirya kuntay lusubun sida ni Hari Tirhaka taga Itiyupya, nagpasugu siya manga manugbarita tag kan Isikyas hampay sabihun inda: