Isayas 37:4 - Hanunuu

⁴ Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 37:4 Iomraidhean Croise

2 Samwil 16:12

Barang makitan Panginuun kang magkakurian, ag balusan niya kaayadan kang magkalakawan kakurian taynguna.”

2 Hari 17:18

Nangisug gid ti Panginuun sa manga taga Israil ag pinaighit niya sida sa kanda rugar pakarayu sa atubangan niya. Ti lahi lang ni Huda ti nasawad,

2 Hari 19:4

Sinugu hari Asirya kay kumandir hampay puyaan ti buhi pag Diyus. Barang nasaydan Panginuun, nimu Diyus, ti pagsabihun kumandir ag parusahan siya sa kay manga binagaw. Nakan idarangin nimu ti manga nasawad sa kanta.’ ”

2 Krunika 28:19

Ipinakababa Panginuun ti Huda dahil ginarya ni Hari Akas ti manga nasakupan sa pagbuwat kadautan, ag unman gid siya sinmunud sa Panginuun.

2 Krunika 34:21

“Pagpaingana kamu sa Panginuun para sa kangku ag para sa manga nasawad nasakupan Israil ag Huda tungkul sa nakasurat sa nakitan pag ribru. Masyadu gid ti pangagalit Panginuun sa kanta dahil unman nagsunud kanta manga ginurang sa binagaw Panginuun nakasurat sa inda pag ribru.”

Kanta 106:23

Rinuris yi mana Diyus kay nasakupan nu balaw nagpakaraw-an si Muysis kay manugsirbi, agud manpakihampang sa kanya kuntay pigili niya kay pangagalit hampay balaw niya sida ipadamhak.

Kanta 50:21

Katpung binwat niyu inda pag manga bagay, nanpadung lang aku, ag nag-isip kamu parihu lang aku sa kanyu. Dapat tamyawun niku kamu ag ipakakit niku sa kanyu nu kabitay kamu ka daut.

Isayas 1:8

Unman may nasawad nu ud ti Hirusalim. Ga parasirngan inda sa ubasan ngatay payag sa karaw-an tanuman kunduy, ag parihu sa banwa pinalibutan kalaban.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 10:20

Rumas-ug ti sirang ti manga nasawad Israilita linahi ni Hakub unman yi mansarig sa Asirya, imaw ti nagpakuri sa kanda. Sumarig yi sida sa Panginuun, ti Banal pag Diyus Israil. Bumalik nalub-anan sida sa Makamaskihan pag Diyus.

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 36:13

Bag-u tinmindug ti kumandir ag nanringgit sa bagaw Hibriyu, “Patingihi niyu ti pagsabihun makapangyarihan pag hari Asirya!

Isayas 36:18

Danga kamu magpatingi sa kan Isikyas, pag-ipatalang niya kamu nu pagsabihun niya, ‘Iribri kita Panginuun!’ May manga diyus aw lugud una naan pag nasyun ti makaribri sa kanda banwa ginan sa kamang hari Asirya?

Isayas 36:20

Naan pag manga diyus inda pag manga nasyun ti nakaparibri sa kanda nasyun laban sa kangku? Nakan kabitay mairibri Panginuun ti Hirusalim sa kang manga kamang?”

Isayas 37:17

Panginuun, patingihi duy nimu aku, ag bantayi ti manga nangyari. Buhi pag Diyus, patingihi nimu ti manga binagaw ni Sinikarib maglabag sa kanmu.

Isayas 37:31

Ag ti manga nasawad buhi sa Huda utru umalwan parihu sa tanum nan-gamut abasad ag magbururak.

Isayas 37:32

Dahil may manga masawad buhi mangalat ginan sa Hirusalim, sa Bantud Siun. Pihuun gid Panginuun Makamaskihan matupad inda.

Isayas 37:5

Pagka rinmas-ug ti ipinadara pag manga may katungkulan ni Hari Isikyas sa kan Isayas,

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 46:3

Pagpatingi kamu sa kangku, manga linahi ni Hakub, kamu ti manga nasawad pag nasakupan Israil. Pag-alagaan niku kamu ginan sa pagkalusad.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 42:2

Magkun sida kan Hirimyas, “Magpakihampang kami sa kanmu, kami ti manga nasawad, idarangin nimu kami sa Panginuun nimu Diyus. Mayamu kami kaybi, dapat taynguna pira wadi parihu sa kanmu mag-akitan.

Danyil 2:18

Sinabihan sida ni Danyil kuntay, “Mandarangin kita hampay kaawaan kita Diyus sa langit, ag maalaman nita kay ibug sabihun tagin-up hari, hampay balaw kita matyun kaibahan ti iba waya pag manga dunungin pag tawu sa Babilunya.”

Huwil 2:17

Ti manga manughandug magsirbi sa Panginuun paglumi sa karaw-an harandugan hanggan sa sarakahan Balay Diyus, ag pandarangin sida kaindaay: ‘Panginuun, pagkaawa kawu sa manga tawu kanmu nasakupan. Danga nimu pahintulutan pakay-ahun sida ag aringun iba nasyun magkumun, “Naan yi kanyu Diyus?” ’ ”

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Amus 7:2

nakitan niku kinaun manga apan ti tanan tanum ag unman may nasawad. Nakan magkun aku, “Panginuun Diyus, magpakihampang aku sa kanmu patawada duy nimu ti manga linahi ni Hakub. Kabitay sida mabuhi nu mangyari inda pag parusa? Malumuy sida ag unman may kakayahan.”

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

Huswi 14:12

Nakan mahimu yi aw ipakaun sa kangku inda pag kabantudan ti itinaratu sa kangku kaybi Panginuun. Kawu yi ngap ti nakadnug kaybi, ti manga lahi ni Anak mag-uli ati ag marig-un kanda manga banwa may manga alad batu. Dapat sa awat Panginuun palayasun niku sida sa tunda pag daga angay sa itinaratu niya sa kangku.”

1 Samwil 12:19

Sinabi tanan tawu sa kan Samwil magkun, “Kailangan duy idarangin nimu kami kanmu manga suruguun sa Panginuun nimu Diyus. Hampay kami balaw mamatay, dahil dinugangan nimi kanmi manga kasalanan katpung maghagad kami hari.”

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.

1 Samwil 14:6

Magkun si Hunatan sa tagadara niya armas, “Atagun nita ti kampu manga tawu balaw magsarig sa Diyus. Barang awatan kita Panginuun, dahil unman may umampara nu kagustuhan niya manalu kita, una mayamu ngatay pira-pira kita.”

1 Samwil 17:26

Namaingana si Dabid sa manga tawu matindugan sa kay arani, “Si unu pag Pilistiyu tida, unman magsarig sa Diyus, mag-akat sa manga sundalu buhi pag Diyus? Unu ti matanggap tawu makamatay sa kanya para mapigil kay magpakay-a niya sa Israil?”

1 Samwil 17:36

Imaw tunda kang pagbuwatun sa liyun ag usu, katunda diman kang buwatun sa tunda pag Pilistiyu unman magsarig sa Diyus, dahil kay pag akatun ti manga sundalu buhi pag Diyus.

1 Samwil 7:8

Sinabi nida sa kan Samwil magkun, “Danga duy kawu mag-apas sa darangin sa Panginuun nita Diyus hampay iribri niya kita sa manga Pilistiyu.”