Isayas 37:1 - Hanunuu

¹ Pagka nasaydan ni Hari Isikyas ti barita, ginitas niya kay rutay, nanrutay siya saku hampay ipakakit kay karukuan, ag nag-ati siya sa Balay Diyus Panginuun hampay mandarangin.

Isayas 37:1 Iomraidhean Croise

2 Hari 22:11

Pagka nakadnug ti hari sa nakasurat sa Ribru Kasuguan, ginitas niya kay rutay sa karukuan.

2 Krunika 32:20

Nandarangin sida sa Diyus sa langit ni Hari Isikyas ag ni Purupita Isayas kay anak ni Amus.

Isra 9:5

Igu rinmas-ug tunda pag udas, inmapas aku sa kang magpanrukuan. Linmuhud aku gitas-gitas kang rutay, ag nandarangin maabwatan kang manga kamang sa Panginuun, kang Diyus.

Istir 4:1

Pagka naalaman ni Murdukyu kay gayak ni Haman laban sa manga Hudiyu, ginitas niya kay rutay bilang pagpakakit kay karukuan. Bag-u nanrutay siya saku, namauli dapug sa kay ulu, ag nag-atag sa karaw-an banwa magpamurahaw sa lumi.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Isayas 36:22

Bag-u ginisi nida ni Ilyakim, ni Sibna, ag ni Huwa kanda rutay sa masyadu pagkarukuan. Nagbalik sida sa kan Isikyas ag ipinaalam ti tanan binagaw kumandir manga sundalu.

Isayas 37:14

Pagka nab-ul ni Isikyas ti surat ginan sa manugbarita, binasa niya inda. Nag-atag siya sa Balay Diyus Panginuun ag ibinugtang ti surat sa atubangan Panginuun.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 36:24

Balaw gid nadala ti hari hanggan ti tanan niya takinan sa nadnugan nida sa pagkumnun kasuratan. Balaw nida ginitas kanda rutay palatandaan sa karukuan nida.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.