Isayas 34:2 - Hanunuu

² Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 34:2 Iomraidhean Croise

Kanta 2:5

Sa kay pangagalit, pinaandaman niya sida ag nadala gid sida.

Pag-ighit 8:14

Tinipun tunda manga Ihipsiyu ag tinumpuk. Dahil sa manga namatay pikaw namawu ti buu daga Ihiptu.

Isayas 10:5

Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 13:5

Ginan sida sa ararayu pag rugar. Gubaun Panginuun hanggan niya manga sundalu ti buu daga dahil sa kay pangagalit.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 26:20

Manga kasimanwa, pagsulud kamu sa kanyu manga balay ag talakpan niyu kanyu sabian. Pagpatagu dapu kamu tugka sa madura ti pangagalit Panginuun.

Isayas 30:25

Sa ati pag manga sirang matyun kanyu manga kalaban ag wayakun kanda manga bantayaw, bumulus ti danum ginan sa kada arabwat pag bantud.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 63:6

Sa kang pangagalit, tinat-an niku ti manga nasyun ag pinadampiray sida ga manga langu. Inuyang niku sa daga kanda dugu.”

Isayas 65:12

Nakan iinalistu niku sa kanyu tanan ti kapaladun mamatay. Dahil pagka nagtawag aku, balaw kamu nagsagut; katpung nagbagaw aku balaw kamu namatingi. Nagbuwat kamu daut sa kang atubangan; nu naan kang pagbugyahan imaw ngap kanyu pagbuwatun.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Isayas 66:16

Dahil sa panab-anan apuy hanggan baladaw, sintinsiyahan Panginuun ti tanan tawu makasalanan, ag mayamu kay matyun.

Hirimyas 25:31

Madnugan kay busis sa buu kalibutan, dahil ihabla niya ti manga nasyun. Sintinsiyahan niya ti tanan, ag ipamatay sa girahan ti manga daut.’ Aku, ti Panginuun, ti magsabi inda.”

Hirimyas 25:32

Magkun waya ti Panginuun Makamaskihan, “Pagdahan kamu! Ti kadamhakan rumas-ug sa tuhay-tuhay pag nasyun ga mabaskug pag bagyu ginan sa pinakaarayu pag bahagi kalibutan.”

Hirimyas 25:33

Sa ati pag sirang, mayamu ti matyun Panginuun, kanda manga bangkay manwayak-wayak una naan sa buu kalibutan. Unman yi may manhimanglaw, manipun ag manlubung sa kanda. Pabay-anan yi lang sida ga ugat sa babaw daga.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Sakaryas 14:3

Bag-u lumaban ti Panginuun laban sa tunda pag manga nasyun, parihu sa kay binwat paggira kaybi.

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Huswi 11:20

Dahil pinaganit Panginuun kanda tagipusuun hampay lumaban sida sa manga Israilita, hampay mapapas sida lubus ag matyun unman may awa, angay sa isinugu Panginuun sa kan Muysis.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.

Ipinakakit 20:9

Nangalat sida sa bilug kalibutan bag-u pinalibutan nida ti kampu manga tawu napasakup sa Diyus hanggan ti pagmahalun niya pag banwa. Dapat linmuwang ginan sa langit ti apuy bag-u naayum yi sida.