Isayas 34:10 - Hanunuu

¹⁰ Ag balaw inda mapsa sirang yabi. Kay anus manalimbuuk hanggan aban. Udyi may mangulian ngatay manlawuy lang sa Idum una kapira.

Isayas 34:10 Iomraidhean Croise

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Isayas 13:20

Balaw yi tunda maulian hanggan aban. Udyi may Arabu mamatindug ati kay turda. Unman diman may manga pastur mangalaga ati kay karanidu.

Isayas 24:1

Pagpatingi kamu! Gubaun Panginuun ti kalibutan tugka sa udyi inda makinabangan ag kalatun niya kay manga nasakupan inda.

Isayas 34:17

Siya ti mamakaun daga sa manga hayup imaw kanda ulianan. Mapasa-kanda inda, ag ati sida pag muli hanggan aban.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Hirimyas 49:18

Nu kabitay nawayak ti Suduma ag Gumura hanggan ti manga banwa sa kalibut inda, katida diman ti mangyari sa Idum. Ag udyi may mangulian atay. Aku, ti Panginuun, ti magsabi inda.

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Isikil 29:11

Unman may tawu ngatay hayup ti lumakaw sitay, unman diman may mangulian sa sulud upatpulu ka timpu.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Ipinakakit 18:18

Linumian nida ti banwa magkairub basta mag-anus waya ati. Magkun sida, “Unman may kaparihu sa kay kabantugan siti pag banwa.”

Ipinakakit 19:3

Utru maan nagbagaw ti mayamu gid tawu magkun, “Dayawun ti Panginuun. Hanggan waya aban magtalimbuuk ti anus sa pagkairub bantug pag banwa.”