Isayas 34:1 - Hanunuu

¹ Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Isayas 34:1 Iomraidhean Croise

Gimpuunan 6:13

Nakan magkun siya sa kan Nuwi, “Rurisun niku ti tanan tawu. Dahil sa kanda, nangalat ti kadautan sa kalibutan. Rurisun niku sida kaibahan kalibutan.

Kanta 24:1

Ti buu kalibutan hanggan ti tanan atay Panginuun ti may apu.

Kanta 50:1

Ti Panginuun, makamaskihan pag Diyus, magbagaw ag magtawag sa manga tawu una naan pag bahagi kalibutan.

Kanta 96:10

Tultulan niyu sa tanan nasakupan manga nasyun kuntay, “Maghari ti Panginuun.” Ibinugtang niya marig-un ti kalibutan, balaw inda magkatandug. Intindihun niya ti manga tawu balaw may pagkampihan.

Isayas 1:2

Patingihi niyu langit ag daga, dahil magkun ti Panginuun, “Inalagaan niku ag pinadaka ti manga Israilita kang manga anak, dapat naglaban sida sa kangku.

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 33:13

Kamu pag manga nasyun, arani man ngatay arayu, patingihi niyu kang manga binwat ag kilalahun niyu ti pagmakamaskihan niku.”

Isayas 41:1

Magkun ti Panginuun, “Kamu pag manga nasakupan sa arayu pag rugar, danga kamu mag-ingay pagpatingi sa kangku. Kamu pag manga nasyun, pagpakarig-un kamu ag pagpakarani sa kangku, bag-u sabihun niyu sa kangku kanyu manga riklamu. Mantiripnan kita ag paghampangan nita inda.

Isayas 43:9

Tawaga nimu ti tanan nasakupan nasyun. Si unu sa kanda manga diyus-diyusan ti makahula sa aratubangun? Si unu sa kanda ti makasabi tungkul sa magpangyari taynguna? Ibahun nida kanda manga kastigus imaw ti puruyba sa kanda manga pagsabihun, hampay ti manga makadnug sumabi, ‘Tutuu gid ngani.’

Isayas 48:16

Pagpakarani kamu sa kangku ag patingihi inda: Ginan di waya sa umpisa unman aku nagbagaw sa lihim, sa udas nangyari ti pagsabihun niku, asan di aku.” Ag taynguna ti Panginuun Diyus hanggan kay Ispiritu nagpadara sa kangku hampay itultul kay bagaw:

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Hirimyas 22:29

Daga Huda, patingihi nimu ti bagaw Panginuun.

Hirimyas 49:7

Inda ti sinabi Panginuun Makamaskihan tungkul sa Idum: “Naan yi ti manga maradunung sa Timan? Udyi aw may nasawad madunung magpaanyu?

Isikil 38:17

Magkun waya ti Panginuun Diyus, “Sa kabag-u pag panahun, ibinarita niku sa panab-anan niku manga suruguun purupita Israil, sa uryan panahun may ipagira aku sa Israil. Ag kawu ti pagtukuyun niku kaybi.

Ubadyas 1:1

Inda ti sinabi Panginuun Diyus tungkul sa nasyun Idum sa panab-anan ni Ubadyas. Nadnugan nita, manga Israilita, ti barita ginan sa Panginuun, nagsugu siya manugbarita tabug sa manga nasyun hampay garyahun sida girahun ti nasyun Idum.

1 Kurintu 10:26

Dahil inda pag daga kasiyunan Panginuun hanggan tanan-tanan bagay sitay sa babaw daga kanya diman.

Diyuturunumiyu 32:1

Langit, pagpatingi dahil mamagaw aku! Daga, patingihi kang manga bagaw.

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Talaghusay 5:3

Pagpatingi kamu manga hari hanggan manga takinan! Manganta aku manga pagdayaw sa Panginuun, ti Diyus Israil!

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.