Isayas 33:6 - Hanunuu

⁶ Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isayas 33:6 Iomraidhean Croise

2 Hari 18:7

Pag-ibahan siya Panginuun, ag magpanalu siya sa tanan niya pagbuwatun. Naglaban siya sa hari Asirya ag unman nagsirbi sa kanya.

Hub 4:6

Kabay nu maggalang kawu sa Diyus ag magkabuhi kawu matadlung, may imaw kawu pagsarig ag pag-asa?

Kanta 140:7

Panginuun Diyus, kawu kang makamaskihan pag manugribri; pag-alagaan nimu aku sa katpung udas girahan.

Kanta 28:8

Kawu, Panginuun, ti magpakaun kabisugan sa kanmu nasakupan. Kawu ti marig-un pag darangpan ag manugribri nimu pinili pag hari ngatay nasakupan.

Kanta 45:4

Pakakitan kanmu kadayawan, paggira kawu marapanalu para sa katutuuhanan ag sa katadlungan manga pag-apihun. Sa panab-anan nimu kapangyarihan pagbuwat kawu makadululaw pag manga buwat.

Kabagawan 14:24

Mahalaga ti kadunungan sa manga madunung, dapat unman may halaga ti kurang sa intindi sa manga kurang-kurang.

Kabagawan 14:26

Ti paggalang sa Panginuun makapakaun karig-unan hanggan darangpan niya magtal-anakan.

Kabagawan 14:27

Ti paggalang sa Panginuun ikaayad ag ikalawig nimu buhi, ag makaaman sa kamatayan.

Kabagawan 15:16

Mas mayad waya ti pugri maggalang sa Panginuun kaysa mayaman pudu kaguluhan.

Kabagawan 19:23

Ti maggalang sa Panginuun makapakaun malawig pag buhi ag kasulungan hanggan karibrihan sa kadautan.

Kabagawan 2:5

Nu buwatun nimu inda, maalaman nimu nu kabitay ti maggalang sa Panginuun, ag masalman nimu ti tungkul sa kanya.

Kabagawan 28:2

Nu ti usa ka nasyun makasalanan, pirmi pag-ilisan kanda takinan. Dapat pumarargu marig-un ti usa ka nasyun nu kay takinan madunung.

Kabagawan 29:4

Nu pagkaibgan hari ti katadlungan, pagparig-unun niya kay kaharian; dapat nu pagkaibgan niya ti suhul, pag-ipadamhak niya kay kaharian.

Manugtudlu 7:19

Laun ti mabuwat kadunungan sa usa ka tawu kaysa mabwat sampulu ka takinan sa usa ka banwa.

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 32:17

Ti burak katuwiran imaw ti mayad pag kahamtangan ag kahusayan, hanggan mayad pag kahamtangan hanggan aban.

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 33:20

Bantayi niyu ti Siun, imaw ti Hirusalim, ti banwa pagdausan nita manga pista. Makitan niyu tunda may kahusayan pag rugar ag marinu ulian. Parihu tunda sa mapag-un pag turda kay manga patuk balaw magabut hanggan kay higut balaw mabugtas.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 51:14

Balaw dumugay palpasan di ti manga nabihag sa kanyu. Balaw sida mamatay sa kanda pirisuhan ag balaw diman sida maduraan karan-unun.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Timutiyu 6:6

Nu sa ungud, tutuu daka kanta pakinabang nu magpasakup sa Diyus ag nu naanadan nita ti magbaya una sa kaalwanan una sa kakurian.