Isayas 33:2 - Hanunuu

² Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 33:2 Iomraidhean Croise

Kanta 123:2

Parihu sa suruguun mag-alagad hampay pakan-an niya amu, kami mag-alagad diman hampay awatan nimu, Panginuun kanmi Diyus, tugka sa kaawaan nimu kami.

Kanta 143:8

Kada surip, ipaalaala sa kangku kanmu pagmahal, sa kanmu aku magsarig. Pakakitan sa kangku ti tama pag dalan kang lakawan, dahil sa kanmu aku pag magdarangin.

Kanta 25:3

Ti magsarig sa kanmu balaw mangay-a, dapat ti maradaya mangay-a ngap.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 33:22

Panginuun, mana kanmu pagmahal pumarargu sa kanmi, dahil magsarig kami sa kanmu.

Kanta 37:39

Ti karibrihan manga matadlung ginan sa Panginuun. Siya kanda marig-un pag darangpan sa udas kakurian.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 46:5

Ti Diyus mag-uli sa inda pag banwa; nakan balaw inda midamhak. Maaga waya rumas-ug ti Diyus umawat siyun pag banwa.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 60:11

Awati kami laban sa kanmi manga kalaban, dahil balaw may kabuluhan ti awat tawu.

Kanta 62:1

Sa Diyus lang aku may kahusayan; kang karibrihan ginan sa kanya.

Kanta 62:5

Sa Diyus lang aku makatanggap kahusayan dahil pagpakan-an niya aku pag-asa.

Kanta 62:8

Kamu pag manga nasakupan Diyus, pagsarig kamu sa kanya sa tanan pag udas! Tultulan sa kanya ti tanan niyu kaaburiduhan dahil siya ti mag-alaga sa kanta.

Kanta 90:15

Pakan-i kami kabayaan parihu kay kadugay sa manga timpu pinarusahan nimu kami ag pinakurian kami.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Pag-ighit 14:27

Nakan ihinunat ni Muysis kay kamang sa dagat, pagka binmutlak yi ti init, nagbalik ti dagat sa daan niya rugar. Ginmayak malagiw ti manga Ihipsiyu dapat ilinimus sida Panginuun sa dagat.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 26:16

Panginuun, pinarusahan nimu kanmu manga nasakupan, sa kanda manga kakurian nandangup ag nanawag sida sa kanmu.

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 37:3

Pagka rinmas-ug sida sa kan Isayas, magkun sida sa kanya, “Inda ti pagsabihun ni Isikyas: Inda ti udas kakurian, pagtadlung ag kakay-ahan. Parihu kita sa usa ka babayi arani yi manganak unman may kusug hampay ilusad kay lapsag.

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 51:5

Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 59:16

Maglingut siya sa kay nakitan dahil unman may una di usa ti mag-awat sa manga pag-apihun. Nakan ngani sa panab-anan niya kamaskihan irinibri niya sida. Dahil matadlung siya, maawatan niya sida.

Isayas 8:17

Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Hirimyas 14:8

Panginuun, kawu duy ti pag-asahan Israil, ti Manugribri sa udas kakurian. Hayga nagbaliw ga day-uhan lang kawu sitay sa kanmi? Hayga duy kawu ga manuglakaw magpat-ung lang usa ka yabi sa kanmi nasyun?

Karukuan 3:23

Matutum gid ti Panginuun. Pag-ipakakit niya kay pangaawa kada sirang.

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.