Isayas 33:16 - Hanunuu

¹⁶ Katunda pag kalasi manga tawu ti makaribri sa kadamhakan, ga mag-uli sida sa abwat pag rugar, kanda palalan-iban ti lalaun pag manga batu. Unman sida maduraan karan-unun hanggan irinmun.

Isayas 33:16 Iomraidhean Croise

1 Hari 19:6

Pagmuklat niya, may nakitan siya tinapay sa may uluhan niya, tinama sa mainit pag batu, ag may danum nakapauli sa sukadan. Kinmaun siya ag inminum ag napaigya uman.

Kanta 107:41

Dapat pag-awatan niya sida pag manga pugri sa kanda manga pag-agwanta, ag pagpayamuun niya kanda manga magtal-anakan parihu sa manga manada hayup.

Kanta 111:5

pag-ayawan niya karan-unun ti manga maggalang sa kanya, ag pag-alalahanun niya pirmi kay kasunduan.

Kanta 15:1

Panginuun, si unu lugud ti mahimu makasaka sa kanmu Balay? Si unu lugud ti mahimu makaulian sa kanmu banal pag bantud?

Kanta 18:33

Pagpabisugun nimu kang manga lulud parihu sa manga lulud karasyaw, agud makaagwanta aku magtukad sa arabwat pag manga rugar.

Kanta 33:18

Dapat ti Panginuun magbantay sa manga maggalang ag magsarig sa kay pagmahal.

Kanta 34:10

Ti liyun mahimu kurangun sa karan-unun ag lun-usun, dapat ti manga magdangup sa Panginuun balaw gid kurangun mayad pag manga bagay.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Kanta 62:7

Asan sa Diyus kang karibrihan ag kadayawan. Siya kang marig-un pag palalan-iban batu, kang manug-alaga.

Kanta 90:1

Panginuun, kawu kanmi ulian ginan waya sa kabag-u.

Kanta 91:14

Magkun ti Diyus, “Iribri niku ag alagaan ti magmahal ag magkilala gid sa kangku.

Kabagawan 1:33

Dapat ti magpatingi sa kangku mabuhi may kahusayan. Balaw siya maunu ag unman siya may kadalaan.”

Kabagawan 10:9

May kahusayan ti tawu magpangabuhi matadlung, dapat ti magpangabuhi balaw mayad miburayhaw aban.

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 30:20

Ga pinakaun ag pinainum kamu Panginuun karukuan ag kakurian. Dapat una binwat niya inda sa kanyu, siya maisturu niyu balaw patagu sa kanyu. Makitan niyu siya,

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 49:10

Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Isayas 58:14

Nu buwatun niyu inda, masulung kamu sa kanyu pagsirbi sa kangku. Kilalan-un niku kamu sa buu kalibutan. Paabundahun niku ti tubas sa kanyu minana pag daga sa kanyu ginurang sa kan Hakub.” Matupad gid inda dahil binagaw Panginuun.

Hirimyas 37:21

Nakan nag-sugu si Hari Sidikyas kuntay daran-un si Hirimyas ati sa punduhan manga guwardiya sa balay hari. Nagsugu diman siya pakan-i si Hirimyas sirang-sirang habang may magkasawad waya tinapay sa banwa. Nakan nagpirmaminti nakapirisu si Hirimyas sa punduhan manga guwardiya.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Habakuk 3:19

Siya ti magpakaun sa kangku kabisugan. Pagpabaskugun niya kang manga lulud parihu sa lulud karasyaw, hampay matukad niku ti abwat pag manga rugar.”

Matiyu 6:11

Ipakaun nimu sa kanmi ti karan-unun kanmi kailangan taynguna pag sirang.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”