Dapat malu bantayi, kanda pagbuwatun kaguluhan hanggan pag-unuunu magbalik sa kanda. Parihu lang sa magkutkut sida ukang hampay malagpak ti iba, dapat sida ngap maaw ti malagpak.
Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.
Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.
Nagtawag kami dahil sa kakurian, dapat unman diman kami may ilinusad. Unman kami may nabwat hampay iribri ti daga nimi, ag dapat unman diman kami may nabuwat una hintay.
Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.
Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.
Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.
Kay udwaya nipabili, unman aw kanmu tunda pag daga? Pagka ipinabili yi nimu, unman aw kawu diman ti bahala sa kay kabilyanan? Hayga lugud, Ananiyas, inisip nimu ti katida pag buwat? Balaw tawu nu unman Diyus ngap ti kanmu dinaya.”