Isayas 33:10 - Hanunuu

¹⁰ Magkun ti Panginuun, “Kumimut yi aku taynguna, ag dayawun aku manga tawu.

Isayas 33:10 Iomraidhean Croise

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 12:6

Masarigan gid ti manga taratu Panginuun. Parihu inda sa lunsay gid pag pilak ipinalakaw sa apuy makapitu ka ulit.

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 7:6

Panginuun niku Diyus, ta malu duy, pakakitan kanmu pangagalit sa kang manga kalaban magkagalit gid sa kangku, dahil katadlungan diman kanmu paghanapun.

Kanta 78:65

Bag-u ga nimata ti Panginuun; parihu siya sa usa ka mabisug pag tawu sinaladan pag irimnun makalangu.

Kanta 94:16

Unman may tuhay mag-awat sa kangku laban sa daut pag manga tawu, nu unman kawu lang gid, Panginuun.

Pag-ighit 14:18

Nu maruris yi niku sida, maalaman manga Ihipsiyu aku ti Panginuun.”

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 10:33

Pagpatingi kamu! Ti Panginuun Makamaskihan ti manwayak sa manga taga Asirya sa panab-anan niya makadululaw pag kamaskihan, ga magpungpung lang manga sanga kayu. Ipakababa niya ti manga marapadayaw parihu sa magpukan arabwat pag puun kayu.

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 2:21

Malagiw ngani sida atabug sa manga lukib sa dirigun hanggan sa daraka batu hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 5:16

Dapat ti Panginuun Makamaskihan dayawun sa kay magpihu. Sa panab-anan matadlung niya pagpihu, pag-ipakakit niya siya Banal pag Diyus.

Amus 6:1

Kaawaawa kamu pag manga takinan Siun hanggan Samarya, masalimpayaan lang ag unman may pag-isipun. Pag-isipun niyu kanyu sadili kuntay garalangun pag manga tawu sa magpanguna pag nasyun, ag sa kanyu pag magdangup kanyu manga nasakupan.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.