Isayas 33:1 - Hanunuu

¹ Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 33:1 Iomraidhean Croise

Kabagawan 22:23

dahil ti Panginuun ti manug-apin sa kanda. Una hintay ti buwatun niyu daut sa kanda buwatun diman Panginuun sa kanyu.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 17:14

Sa yabi magpamgas sida kadalaan, dapat igu surip rinuris sida. Tunda ti mangyari sa manga maggira sa kanta ag magbuul kasiyunan nita.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 24:16

Madnugan ti karantahan una naan katpung sa kalibutan, “Dayawun ti matadlung pag Diyus.” Dapat kaawaawa aku. Magpanlumuy aku! Dahil parargu ti magpandaya manga tawu maradaya.

Isayas 31:8

Magkaramatay ti manga taga Asirya, dapat balaw sa panab-anan baladaw tawu. Lumayas sida ginan sa girahan, ag bumaliw suruguun kanda manga kalay-awan.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Isikil 39:10

Balaw yi kailangan mangayu waya sida sa karatagan ngatay sa katalunan, dahil may manga armas yi sida pamagba. Nakan agawan diman nida tunda pag manga nangagaw sa kanda. Aku, ti Panginuun Diyus, ti magsabi inda.

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Ipinakakit 13:10

Una hintay pag tawu ti pagturuminuhun hampay mabihag, pihu gid siya mabihag aban. Una hintay ti pagturuminuhun hampay mamatay sa baladaw, pihu gid siya matyun baladaw aban. Nakan ngani kailangan ti manga napasakup sa Diyus pagpakarig-un kay pagsarig.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 17:17

Pinaisip Diyus ti manga hari hampay buwatun nida ti angay sa kay ginayak ag hampay magkausa sida magpasakup sa hayup malangas kanda kamaskihan ag kanda karampatan hanggan sa ud matupad ti manga binagaw Diyus.

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.

Talaghusay 9:23

pinalaban Diyus si Abimilik sa nasakupan Sikim. Naglaban ti manga taga Sikim sa kan Abimilik.