Isayas 32:19 - Hanunuu

¹⁹ Una madaut ti kapuruan hanggan ti manga banwa dahil sa mag-uran yilu ga manga batu,

Isayas 32:19 Iomraidhean Croise

Isayas 10:18

Nu kabitay ti sakit magdaut sa bilug tawu, dautun diman Panginuun ti marinu ag mayad pag kapuruan hanggan ti manga tanman hari Asirya.

Isayas 10:19

Pira wadi ti masawad pag puun sa kay kapuruan. Mabilang inda una lang manga anak dariit.

Isayas 10:33

Pagpatingi kamu! Ti Panginuun Makamaskihan ti manwayak sa manga taga Asirya sa panab-anan niya makadululaw pag kamaskihan, ga magpungpung lang manga sanga kayu. Ipakababa niya ti manga marapadayaw parihu sa magpukan arabwat pag puun kayu.

Isayas 24:10

Mawayak ti banwa ag udyi mapakinabangan. Talakpan ti manga sabian kada balay hampay balaw may makasulud.

Isayas 24:12

Ti banwa madaut yi lang gid, hanggan kay manga sabian.

Isayas 25:2

Winayak nimu ti manga banwa taga iba nasyun hanggan ti may manga alad batu. Winayak diman nimu ti manga mapag-un pag bahagi nida banwa, udyi nida maipatindug utru.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 26:5

Sa ungud, pag-ipakababa niya ti manga marapadayaw. Pagrup-agun niya kanda manga banwa tugka sa marunut sa daga.

Isayas 27:10

Nawayak yi ti inaladan batu pag banwa. Ga pangawakawaan yi inda. Nagbaliw pasturan wadi inda ag paraharyan manga baka. Tinabu hinarab manga baka ti manga labung sa manga sanga.

Isayas 28:17

Buwatun niku panukat ti katadlungan. Ipapalid niku sa bagyu hanggan sa baha ti kapudilan pagsarigan niyu rumibri sa kanyu.

Isayas 28:2

Pagpatingi kamu! Ti Panginuun may inalistu mabaskug ag makapangyarihan pag nasyun imaw ti manwayak sa Samarya. Parihu inda sa magpandaut pag bagyu ag sa magpaywas pag baha.

Isayas 29:4

Mawayak inda ag bumaliw ga mamaw magtawag ginan sa sirung daga kay busis madala.

Isayas 30:30

Ipadnug Panginuun ti madala niya pag busis. Ipakakit niya kay kamang alistu yi pumarusa sa masyadu niya pag isug. Dunganan niya inda maglabdab pag apuy, kadaka bumuhus ti uran, ti linti, ti kilat, hanggan uran yilu ga manga batu.

Isayas 37:24

Sinurug nimu aku sa panab-anan nimu manga suruguun. Pagsabihun waya nimu, ‘Sa panab-anan niku mayamu pag manga kalisa nadayik niku ti arabwat pag manga bantud hanggan ti katayungtungan manga bantud Libanun. Pinukan niku ti arabwat pag manga puun sidru hanggan kay pinaka marinu pag kalasi sipris. Nakaras-ug aku sa katayungtungan sa may madamul pag kapuruan.

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Nahum 1:8

Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Sakaryas 11:2

Nu kabitay nagkaradaut ti mararinu ag malalangba pag manga puun kayu sidru madaut diman ti manga puun kayu sipris ag manga puun kayu insina sa Basan.

Matiyu 7:25

Nag-uran daka, nagbaha, hinampak mabisug pag bagyu ti balay, dapat unman nagba dahil nakabungsud inda sa babaw batu.

Ipinakakit 18:21

Bag-u ti usa ka makamaskihan pag anghil nagpunpun batu ga usa ka galingan batu kay kalaun bag-u kay ayinmut tag sa dagat. Magkun ti anghil, “Katunda diman aban pag idugsak ti bantug pag banwa Babilunya udyi makitan uman.

Ipinakakit 8:7

Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.