Isayas 32:18 - Hanunuu

¹⁸ Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 32:18 Iomraidhean Croise

Kanta 107:7

Giniyahan niya sida sa dalan diritsu sa banwa may mag-uli manga tawu.

Pag-ighit 9:26

Ti Gusin lang ti unman nauranan yilu, dahil ati pag mag-uli ti manga Israilita.

Kabagawan 24:15

Danga kawu maghuwad sa daut pag tawu, magsalakay lihim sa ulian matadlung pag tawu.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 28:12

Kaindaay kay sabihun, “Malakawan niyu ti kapaharihan sa kanyu daga. Dapat balaw diman gid sida mamatingi.”

Isayas 30:15

Magkun waya ti Panginuun Diyus, ti Banal pag Diyus Israil, “Pagbalik nalub-anan kamu sa kangku pag may kahusayan, dahil iribri niku kamu. Danga kamu magkataranta nu unman pagsarig sa kangku, dahil pabisugun niku kamu. Dapat nagbugya kamu

Isayas 33:6

Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isayas 65:21

Sa ati katpung pag manga panahun, mamatindug balay kang manga nasakupan ag ulianan nida inda. Mantanum sida manga ubas ag sida diman waydi ti pumakinabang kay manga burak tunda.

Isayas 65:9

May sawadan di aku buhi sa manga linahi ni Hakub hanggan sa lahi ni Huda bag-u sida ti mumana kang rugar may mayamu pag kabantudan. Sida kang manga pinili ag manga manugsirbi ti mangulian sa inda pag daga.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Isikil 34:28

Balaw yi sida pakurian iba ka manga nasyun ag unman yi sida kan-un talun hayup. Mangabuhi sida ribri sa kadilikaduhan ag unman may manpadala sa kanda.

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 2:8

Pagka nakitan niku ti manga ipinakakit tida, sinugu aku Panginuun mamagaw laban sa manga nasyun naggira ag nagbuul sa kanyu manga kasiyunan. Dahil una si unu ti bumuwat daut sa kanyu, ga magbuwat diman daut sa mahal pag Panginuun. Inda ti pagsabihun Panginuun Makamaskihan laban sa ati pag manga nasyun:

Sakaryas 3:10

Sa tunda pag sirang, mabuhi kamu may kaariwayahan. Ti kada usa sa kanyu ban-awan niyu kanyu manga kamalay hampay manukawan sa sirung niyu manga ubas ag puun igus. Aku, ti Panginuun Makamaskihan, ti may sabi inda.”

Hibriyu 4:9

May nasawad waya ngani usa ka kaudasan kaariwayahan para sa nasyun Diyus parihu sa kay nagpahari ti Diyus sa ikapitu pag sirang.

1 Huwan 4:16

Magkaalaman yi nita ag kanta diman pagsarigan kay pagmahal Diyus sa kanta. Ti Diyus gid ti may gimpuunan pagmahal. Ti tawu nu magparargu sa pagmahal, dayu mag-iblag ginan sa Diyus ag ti Diyus nangulian diman sa kanya.