Isayas 32:16 - Hanunuu

¹⁶ Lumantap ti katadlungan ag katuwiran sa pangawakawaan hanggan sa maabunu pag daga.

Isayas 32:16 Iomraidhean Croise

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 28:6

Giyahan niya ti manga manughusay hampay ipaburayhaw ti katadlungan sa kanda maghusay. Pakan-an niya isug ti manga manugbantay sa banwa laban sa manga kalaban.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Isayas 42:11

Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.