Isayas 30:6 - Hanunuu

⁶ Inda ti ipinaburayhaw Diyus tungkul sa manga hayup sa Nigib: Binaklay manga taga Huda ti pangawakawaan makuri baklayun nu naan may manga liyun, ag may manga madalit pag ulay ag ti iba ga maglayang. Pag-ikarga nida kanda manga kayamanan sa asnu ag sa manga kamilyu hampay ikaluub sa nasyun unman diman waydi makaawat sa kanda.

Isayas 30:6 Iomraidhean Croise

Gimpuunan 12:9

Ud dinmugay, napahalin maan sida. Naparargu maan sida sa kanda lakaw atabug sa Nigib.

1 Hari 10:2

Rinmas-ug siya sa Hirusalim may kaibahan mayamu tawu, ag may dara siya manga kamilyu punu manga panlakay, mayamu pag gintu, hanggan mahalaga pag manga batu. Pagka nagsampak siya sa kan Sulumun, pinaingana niya si Sulumun sa tanan niya pagkaibgun ipaingana.

2 Krunika 16:2

Ipinab-ul ni Asa ti manga pilak ag manga gintu sa manga haramnuan sa Balay Diyus Panginuun hanggan balay hari. Ag ipinadara niya inda sa kan Hari Bin Hadad Aram ati sa Damasku nu naan siya pag mag-uli. Inda kay tultulanun ni Asa kan Bin Hadad:

2 Krunika 9:1

Pagka nabaritaan rayna Shiba ti kabantugan ni Sulumun, nag-atag siya sa Hirusalim hampay subukun ti kadunungan ni Sulumun sa panab-anan makuri pag manga paingana. Rinmas-ug siya sa Hirusalim kaibahan ti mayamu gid pag manga tawuhan niya, ag may dara siya manga kamilyu kargadu manga pamakaun panlakay, mayamu pag gintu, ag mahalaga pag manga batu. Pagka nakitan niya si Sulumun, ipinaingana ti tanan niya pag isipun.

Hub 39:11

Makasarig aw lugud kawu sa kay kabisugan hampay buwatun niya kanmu mabuyat pag buruwatun?

Pag-ighit 1:14

Unman sida may pangaawa sa manga Israilita. Pagpakurianan nida ti manga Israilita sa panab-anan pagbuwat manga daga pinaganit hanggan kay panmahuput siyun, bag-u pag-ipatarabahu mahigpit sa tanman.

Isayas 14:29

Manga Pilistiyu, danga dapu kamu magbaya sa pagkamatay hari naggira sa kanyu. Dahil kay anak ti umilis sa kanya imaw ti humari mahigpit man sa kanya, ga usa ka ulay namatay dapat nanganak mas madalit man ag harus maglayang.

Isayas 15:7

nakan dinara nida sa dipay Luung Arabim kanda manga natipun kasiyunan hanggan kayamanan.

Isayas 19:4

Ipasakup niku sida sa usa ka mahigpit pag hari.” Tunda ngani ti pagsabihun Panginuun Makamaskihan.

Isayas 35:9

Unman may liyun una hintay pag maraisug hayup ti makalawuy ati nu ud ti linukat lang Panginuun.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Isayas 57:9

Nag-ati kamu sa kanyu diyus-diyusan sa kan Muluk. Mayamu kanyu dara lana ulibu hanggan manga pamanglu. Nansugu waya kamu manga tawu tabug sa arayu pag rugar hampay manhanap waya manga diyus-diyusan sarambahun niyu. Una hanggan ti ulian manga namatay ga atagan waya niyu.

Isayas 8:22

aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.

Hirimyas 11:4

Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 2:6

Udyi nida aku hinanap una aku yi ti nagpalwas sa kanda sa Ihiptu hanggan ti nag-una sa kanda sa pangawakawaan unman may tanum — tigangan pag daga, may manga tuyungan, mahawag ag unman may mag-uli ngatay maglakaw.

Isikil 20:46

“Anak tawu, pag-atubang kawu sa kanaway ag pagtultul laban sa inda pag rugar may manga kapuruan kayu.

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 12:2

Magkun si Husyas, “May pariga ti Panginuun laban sa manga taga Huda pag linahi ni Hakub. Parusahan niya sida angay sa kanda manga ugali; balusan niya sida angay sa kanda manga buwat.

Mikas 6:14

Mangaun kamu, dapat unman kamu mabsug; paglun-usun di kamu. Manhamnu kamu kanyu manga inani, dapat unman niyu inda mapakinabangan, dahil ipaagaw niku tunda sa kanyu manga kalaban.

Sakaryas 6:6

Ti kalisa pagguyudun manga mabiru pag kabayu atabug sa usa ka rugar sa salatan. Ti kalisa pagguyudun manga malagti pag kabayu atabug sa isalpan. Ag ti kalisa pagguyudun manga buntuk-buntukan pag kabayu atabug sa usa ka rugar sa kanaway.”

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Bilang 21:8

Magkun ti Panginuun sa kan Muysis, “Pagbuwat kawu ulay galang bag-u itur-ug inda sa suru usa ka tulduk. Una si unu ti kinagat ulay pagbantay lang sa inda pag ulay galang balaw siya mamatay.”

Matiyu 12:42

Sa ati katpung pag udas aban ti Rayna ginan sa salatan baliwa kumastigus laban sa kanyu, dahil nagluwang siya ginan sa puun langit hampay patingihan kay kadunungan ni Sulumun. Dapat balaw di ga kan Sulumun ti nagsitay kainda sa kanyu.”

Diyuturunumiyu 17:16

Kanyu hari balaw mahimu manipun mayamu pag manga kabayu, ag balaw niya ipaatag kay manga tawu sa Ihiptu hampay mamili manga kabayu, dahil ti Panginuun niyu Diyus nagsabi sa kanyu danga yi gid kamu magbalik atabug.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 8:15

Giniyahan niya kamu sa malapad ag madala pag pangawakawaan may manga ulay magdalit hanggan manga alutatip. Unman may danum sa tunda pag rugar dapat pinakan-an niya kamu danum ginan sa tanang batu.