Isayas 30:16 - Hanunuu

¹⁶ ag magkun kamu, ‘Makapalagiw kami sa kanmi manga kalaban dahil marabisug kanmi manga kabayu.’ Hu ngani, makapalagiw kamu dapat marabisug man ti manga lumagas sa kanyu.

Isayas 30:16 Iomraidhean Croise

2 Hari 25:5

dapat linagas sida manga taga Babilunya ag natakdan sida sa karatagan Hiriku. Napablag sa kan Sidikyas ti tanan niya manga sundalu,

Hub 39:11

Makasarig aw lugud kawu sa kay kabisugan hampay buwatun niya kanmu mabuyat pag buruwatun?

Kanta 147:10

Kay kabayaan balaw sa mabisug pag manga kabayu ngatay sa kaisugan manga sundalu;

Kanta 33:17

Ti manga kabayu balaw masarigan pumanalu sa gira. Kanda masyadu pag kabisugan balaw rumibri.

Isayas 2:7

Abunda sa pilak ag gintu ti daga Israil, balaw magkatabu kanda kayamanan. Mayamu kanda kabayu, ag balaw mabilang kanda manga kalisa.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 31:3

Ti manga taga Ihiptu tawu diman waydi, bukun Diyus. Kanda manga kabayu bukun manga ispiritu, nu unman parihu diman sa iba manga kabayu. Nu pumarusa yi ti Panginuun, mawayak ti Ihiptu hanggan ti pag-awatan niya pag nasyun. Dapat pararihu sida mawayak.

Hirimyas 39:4

Pagka nakitan sida ni Hari Sidikyas hanggan niya tanan sundalu, nalagiw sida pagka rinmas-ug ti yabi. Ati sida pag linmakaw sa halamanan hari, sa puwirtahan sa tab-anan duwa ka alad batu, ag nag-atag sida sa Karatagan Hurdan.

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 46:6

Mabisug kamu ag maliksi magpalagiw dapat unman diman gid kamu makalayas. Magpu kamu ag mamatay arani sa Sapa Iyupratis.

Hirimyas 52:7

Winayak yi manga taga Babilunya ti usa ka bahagi alad batu banwa, nakan ginayak ni Sidikyas kuntay lumayas kaibahan kay buu gurupu. Dapat dahil sa pinalibutan yi sida manga taga Babilunya, nag-alagad sida tugka sa yumabi. Ati sida pag linmakaw sa sabian ati sa tab-anan duwa ka alad batu arani sa halamanan hari. Nalagiw sida atabug sa Karatagan Hurdan.

Karukuan 4:19

Mas mabisug waya sa manga agila kanmi manga kalaban maglagas sa kanmi. Paglagsun nida kami tugka sa manga bantud. Ag una sa pangawakawaan kami ati diman sida mag-alagad sa pagdugma sa kanmi.

Amus 9:1

Magkun si Amus, “Nakitan niku ti Panginuun matindugan sa may handugan ag magkun siya, ‘Hampaka ti suru manga tulduk Balay Diyus hampay marup-ag kay bubungan ag madugsakan ti manga tawu. Ti masawad buhi sa kanda mamatay di sa girahan. Una di usa sa kanda unman may makapalagiw ngatay makaribri.

Mikas 1:13

Manga nasakupan Lakis, takudan yi ti manga kalisa sa manga kabayu bag-u pagpalagiw yi kamu. Hinuwad niyu ti kasalanan binwat manga taga Israil, ag dahil sa kanyu nagsalan diman ti manga taga Siun.

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:49

“Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.