Isayas 3:5 - Hanunuu

⁵ Apihun kada usa kay kaparihu. Labanan manga anak ti manga gurangun, ag labanan manga makuri ti garalangun pag manga tawu.

Isayas 3:5 Iomraidhean Croise

2 Hari 2:23

Ginminan sa Hiriku si Ilisyu ag nag-ati sa Bitil. Sa kay maglakaw niya sa dalan, may manga kalay-awan lalaki ginan sa usa ka banwa naghangal-hangal sa kanya. Magkun sida, “Kalbu, kalbu, danga kawu sitay!”

Isayas 1:4

Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 11:13

Madura yi ti inggit Israil sa Huda ag ti galit Huda sa Israil.

Isayas 19:2

Magkun ti Panginuun, “Palabanun niku ti manga taga Ihiptu: Patar-ari laban sa patar-ari, kamalay laban sa kamalay, banwa laban sa banwa, ag kaharian laban sa kaharian.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Sakaryas 11:6

“Alagai nimu kang manga nasakupan, dahil aku, ti Panginuun magsabi, balaw yi niku kaawaan ti manga tawu sa kalibutan. Aku mismu ti mag-udyuk sa kada tawu pag pasakup sa kay kaparihu ag sa kay hari. Sida pag manga magpamahala mandara kadamhakan sa buu kalibutan, ag balaw niku iribri ti manga tawu ginan sa kanda manga kamang.”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 26:67

Bag-u binug-anan nida siya sa kay uyahun bag-u kanda sinuntuk. Sinampal waya siya manga iba magkun,

Markus 14:65

Bag-u ti iba sa kanda nagbuga sa kan Hisus. Tinakluban nida kay mata bag-u kanda sinuntuk siya magkun, “Hulaan nimu, si unu ti nagsuntuk sa kanmu?” Pagka iinintirga yi si Hisus sa manga bantay, nagsuntuk diman waydi sida sa kanya.

Lukas 22:64

Tinakluban nida kay mata bag-u pinaingana nida siya, “Pintua nimu hintay ti nagbakul sa kanmu?”

Santiyagu 2:6

Dapat unman ngap paggalangun niyu ti manga pugri. Unman aw ti mayaman ti mag-unuunu ngapu sa kanyu, magpangarudkud sa kanyu atag sa talaghusay?

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.