Isayas 3:14 - Hanunuu

¹⁴ Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Isayas 3:14 Iomraidhean Croise

Hub 22:4

Pagtamyawun kawu Diyus bag-u pagpihuun balaw dahil maggalang kawu sa kanya,

Hub 24:14

Ti manmamatay mag-ipulaw surip waya hampay manmatay manga pugri, ag nu yabi magpanakaw.

Hub 24:9

“Pagbul-un manga daut pag tawu ti anak buranday ag pugri pag babayi, imaw ti bayad sa kanda inutang.

Hub 34:23

Balaw yi kailangan tawagun waya Diyus ti tawu kuntay pag-atag sa kay atubangan hampay paingan-un ag pihuun.

Kanta 10:9

Mag-alagad sida mataguan parihu sa liyun, hampay dakpun ti manga pugri, nu madakup yi rargu nida pagguyudun.

Kanta 14:4

Unman aw lugud alam inda pag daut manga tawu sa kanda pagbuwatun? Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Panginuun.

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Kabagawan 30:14

May manga tawu diman maramuun, masyadu maapi-api sa kanda maggiit sa manga pugri.

Isayas 10:1

Kaawaawa kamu manga manugbuwat balaw matadlung pag kasuguan, mag-api sa manga pugri niku pag nasakupan ag mag-irang katadlungan sa kanda. Sa panab-anan tunda pag kasuguan, pagbul-un niyu ti kasiyunan manga buranday hanggan manga ilu.

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 14:30

Ti manga pugri niku pag nasakupan pakaunun niku ag pakan-an pahari balaw may pagkadalaan. Dapat pabay-anan niku mamatay sa lun-us kanmu manga linahi, ag ti masawad sa kanda matyun diman gid niku.

Isayas 26:6

Ag inda pagtatatataan manga pugri kanda inapi.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 30:12

Nakan magkun ti Banal pag Diyus sa Israil, “Dahil sa ipinurya niyu kang pagsabihun ag nagpaniwala kamu sa magpangihid ag magpandaya,

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 58:4

Balaw ngani kamu maghandum karan-unun, dapat mag-arawayan diman kamu, magtalaluhan, ag magsuruntukan waya. Danga niyu isipun kanyu unman maghandum karan-unun taynguna makaawat hampay dungugun niku kanyu darangin.

Hirimyas 12:10

Dautun kayamuan takinan kang ubasan, hanggan kang tanman kanda tatatataan. Bumaliw pangawakawaan ti marinu niku pag daga.

Hirimyas 5:27

Parihu sa puguan punu manga manuk, ti balay daut pag tawu punu manga kayamanan ginan sa pandaraya. Nakan yinmaman sida ag nagbaliw makapangyarihan.

Isikil 18:12

Pag-apihun niya ti manga makuri hanggan manga pugri. Magtakaw siya, ag unman niya pag-iuli ti garantiya manga nakautang sa kanya. Magsamba siya sa manga diyus-diyusan, ag magbuwat mayagting pag manga bagay.

Isikil 20:35

ag darahun sa pangawakawaan manga nasakupan. Ag ati, atubangun niku kamu ag pihuun.

Isikil 20:36

Pihuun niku kamu, nu kabitay pinihu niku kanyu manga ginurang sa pangawakawaan Ihiptu. Aku, ti Panginuun Diyus, ti magbagaw inda.

Libitiku 25:14

Nakan nu mamabili kamu aw ngatay mamili daga sa kanyu kasimanwa, danga kamu magdarayaan.

Libitiku 25:17

Danga kamu magdarayaan bagkus kadalai niyu aku, dahil aku ti Panginuun kanyu Diyus.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Mikas 2:1

Kaawaawa kamu pag manga magpuyat para lang gumayak daut. Pagka surip pagbuwatun niyu kanyu gayak daut dahil may kakayahan kamu bumuwat tunda.

Mikas 2:2

Pag-agawun niyu ti manga tanman hanggan ti pagkaibgan niyu pag manga balay. Pagdayaun niyu ti manga tawu hampay mab-ul niyu kanda balay una hanggan kanda minana pag daga.

Mikas 6:10

Daut kamu pag nasakupan! Unman niku magkalimtan ti manga tinipun niyu pag kayamanan sa daut pag paraan. Maggamit kamu madaya pag salupan. Inda pag buruwatun kang pagkadat-an.

Matiyu 21:33

Magkun si Hisus, “Patingihi niyu inda may usa waya ka pahalimbawa. May usa ka may puun balay, nagtanum ubas, inaladan niya bag-u nagbuwat siya pirigsan ubas. Nagpatindug waya siya usa ka balay abwat hampay bantayan kay ubasan. Bag-u iinintirga niya ti ubasan sa kay manga manugtarabahu bag-u napaiba siya rugar.

Santiyagu 2:6

Dapat unman ngap paggalangun niyu ti manga pugri. Unman aw ti mayaman ti mag-unuunu ngapu sa kanyu, magpangarudkud sa kanyu atag sa talaghusay?