Isayas 3:11 - Hanunuu

¹¹ Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Isayas 3:11 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

2 Samwil 3:39

Una aku ti pinili hari kainda, unman niku kaya sida ni Huab ni Abisay pag manga anak ni Siruya. Mabisug man sida sa kangku. Nakan ti Panginuun yi lang ti bumalus sa tunda pag manga daut tawu dahil sa binwat nida daut.”

1 Hari 21:21

Nakan inda ti pagsabihun Panginuun sa kanmu: ‘Padarahan niku kawu kadamhakan. Matyun niku ti tanan nimu linahi lalaki, panawuhun man ngatay bukun.

2 Krunika 6:23

patingihi inda asan sa langit ag sintinsiyahi kanmu manga manugsirbi — ti magbangdan ag ti pagbangdanan. Parusahi ti nagsalan angay sa kay binwat, ag palpasi ti unman may salan hampay miburayhaw unman siya may salan.

Hub 10:15

Nagsalan man aku una unman, parihu lang kaawaawa aku. Dahil nangay-a gid aku ag nakurian sa kang manga inagwanta.

Kanta 28:4

Balusi sida angay sa kanda manga binwat. Parusahi sida sa kanda daut manga pagbuwatun.

Kanta 62:12

Pihu gumanti ti Panginuun sa manga tawu angay sa kanda manga binwat.

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Kabagawan 11:31

Nu ti manga matadlung sa kalibutan magtanggap kapalit sa kanda manga pagbuwatun, lalu yi gid balusan ti manga daut pag tawu hanggan ti manga makasalanan.

Kabagawan 12:14

Ti kada usa makatanggap pirimyu angay sa kay sinabi ngatay binwat.

Kabagawan 26:27

Ti magkutkut ukang hampay malagpak ti iba, siya ngap ti malagpak. Ti maglilid batu hampay malilidan ti iba, siya ngap ti malilidan.

Manugtudlu 8:13

ag daut ti patabgan tawu balaw maggalang sa Diyus, ag balaw dumugay kay buhi nu unman bumaliw inda parihu sa aninu madali lang malyam.

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 48:22

Dapat ti daut unman magkaimaw kahusayan, magkun ti Panginuun.

Isayas 65:20

Ati unman may mamatay lapsag ngatay anak waya. Una si unu ti mamatay sa idad 100 ka timpu kilalan-un anak waya, ag ti mamatay udwaya aput sa 100 ka timpu kilalan-un sinintinsiyahan niku.

Isayas 65:6

Magkun waya ti Panginuun, “Pagpatingi kamu, nisurat yi ti sintinsiya para sa kang manga nasakupan. Balaw mahimu mamatidung lang aku; bumalus aku. Balusan niku sida angay sa kanda manga kasalanan hanggan ti manga kasalanan nida kaumputan. Dahil magtuub sida manga kamangyan ag linabag aku una sa bantud hanggan sa manga tagudtud. Nakan balusan niku sida angay sa kanda binwat.”

Hirimyas 21:14

Dapat parusahan niku kamu angay sa manga pagbuwatun niyu. Irubun niku kanyu manga katalunan tugka ti tanan sa kanyu sangput mairub. Aku, ti Panginuun, ti magsabi inda.”

Hirimyas 31:30

Bagkus ngap, nu si unu ti kinmaun maaslum pag ubas, siya lang ti makasamit kay aslum inda. Ti tawu nagkasala imaw lang ti mamatay.”

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 18:20

Ti nagkasala lang pag tawu ti mamatay. Ti anak balaw dapat parusahan dahil sa kasalanan niya ama, ag ti ama balaw dapat parusahan dahil sa kasalanan niya anak. Ti matadlung pag tawu papaladan sa kay matadlung pag manga pagbuwatun, ag ti daut pag tawu parusahan sa kay daut pag manga pagbuwatun.

Isikil 2:10

Linadlad niya inda sa kang atubangan, may surat inda manga bagaw may karukuan ag manga hirinangbitun sa sarangwan hanggan sa dayu.

Isikil 24:14

Aku, ti Panginuun, magkun rinmas-ug yi ti kaudasan pagparusa niku ag unman may makaampara sa kangku. Balaw gid niku kamu kaawaan ag balaw yi mabag-u kang isip. Pihuun niku kamu angay sa kanyu pangabuhi ag binwat. Aku, ti Panginuun Diyus, ti magbagaw inda.”

Isikil 33:8

Nu sumabi aku sa daut pag tawu pihu gid siya mamatay dahil sa kay kasalanan bag-u unman nimu siya pinaandaman hampay bugyahan kay daut ugali, kawu kang suktun sa kay kamatayan.

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Mikas 7:13

Bumaliw mapanglaw pag rugar ti manga nasyun sa kalibutan dahil sa kadautan manga mag-ulian siyun.”

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Talaghusay 9:57

Pinabayad diman Diyus ti manga taga Sikim sa tanan nida kadautan. Nakan natupad ti sumpa ni Hutam kay anak ni Gidyun.