Isayas 3:1 - Hanunuu

¹ Pagpatingi kamu! Bul-un Panginuun Diyus Makamaskihan ti tanan pagsarigan manga taga Hirusalim hanggan taga Huda: ti karan-unun ag ti danum nida,

Isayas 3:1 Iomraidhean Croise

2 Hari 25:3

Pagka sa ikasiyam pag sirang sa ikap-at pag bulan sa tunda pag timpu, masyadu yi gid ti lun-us sa banwa ag unman yi may karan-unun ti manga tawu.

Kanta 105:16

Nagpadara ti Diyus kalun-usan sa daga Kanaan. Tinabu niya bin-ul ti tanan nida karan-unun.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 2:22

Danga kamu magpiyar sa tawu. Mamatay diman waydi sida. Hintay waydi ti mabuwat nida?

Isayas 3:16

Magkun waya ti Panginuun, “Palabi-labihun ti manga babayi sa Hirusalim. Hantup nimu nu si unu yi gid sida nu maglakaw. Pagpakaransingun waya nida kanda manga pamarinu sa manga lulud, nu magbantay sida may kaibahan waya kindat.

Isayas 36:12

Dapat sinmagut ti kumandir, “Sinugu aku niku amu kuntay ipaalam inda pag manga bagay balaw lang sa kanyu ag sa kanyu hari nu unman sa tanan magpangulian sa Hirusalim. Kamu tanan lun-usun ag uwawun sa udas girahun nimi kamu. Nakan kan-un niyu kanyu manga ugat ag inmun niyu kanyu manga ihi.”

Isayas 5:13

Nakan kamu pag manga nasakupan niku bihagun dahil unman niyu magkasalman kang pagbuwatun. Kamu hanggan kanyu manga takinan magkaramatay sa lun-us ag uwaw.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 9:20

Una hintay pag karan-unun kanda makitan, bul-un di nida ag kan-un, dapat balaw diman sida mabsug. Nakan kan-un yi nida una kanda manga anak.

Hirimyas 37:21

Nakan nag-sugu si Hari Sidikyas kuntay daran-un si Hirimyas ati sa punduhan manga guwardiya sa balay hari. Nagsugu diman siya pakan-i si Hirimyas sirang-sirang habang may magkasawad waya tinapay sa banwa. Nakan nagpirmaminti nakapirisu si Hirimyas sa punduhan manga guwardiya.

Hirimyas 38:9

“Mahal Hari, daut duy ti binuwat tida pag manga tawu sa kan Hirimyas. Ilinagpak nida siya sa bubun, ag pihu yi mamatay siya ati sa lun-us, dahil harus magkatabu yi duy ti tinapay sa buu banwa.”

Hirimyas 52:3

Sa galit Panginuun, tinulak niya ginan sa atubangan niya ti manga taga Hirusalim ag taga Huda. Ag taynguna naglaban si Sidikyas sa hari Babilunya.

Hirimyas 52:6

Katpung ikasiyam pag sirang sa ikap-at pag bulan sa tida diman pag timpu, masyadu yi ti kalun-usan sa banwa ag udyi may makaun ti manga tawu.

Karukuan 5:4

Kailangan waya nimi bilihun ti danum kanmi pag-inmun hanggan ti kayu kanmi pamagba.

Isikil 14:13

“Anak tawu, nu magkasala ag balaw matinupadun sa kangku ti usa ka nasyun, parusahan niku sida, ag bul-un niku kanda bulul-an karan-unun. Padarahan niku sida lun-us hampay magkaramatay sida ag kanda manga hayup.

Libitiku 26:26

Kurangun kanyu karan-unun, nakan usa lang wadi ka dapugan ti gamitun sampulu ka babayi sa pagtama tinapay, bag-u tunga-tungaun wadi nida inda sa kanyu. Tutuu may pagkan-un di kamu dapat udyi kamu magkabsug.

Amus 4:6

“Aku ti nagpadara taglun-us sa kanyu hanggan sa tanan niyu manga banwa, dapat unman diman kamu nagbalik sa kangku. Aku, ti Panginuun, ti magsabi inda.

Mikas 4:9

“Manga nasakupan Siun, taynguna hayga kamu mag-arunghung ga babayi magkaanak yi? Asan di waya waydi kanyu manga hari, buhi waya kay manga tagapatigayun. Malu, mamabaring-baring kamu sa sakit ga babayi magkaanak yi, dahil udyi dugay tayakan niyu kanyu banwa bag-u mangulian kamu sa mapadang, bag-u darahun kamu sa Babilunya. Dapat ay iribri niku kamu ati sa kanyu manga kalaban.