Isayas 29:3 - Hanunuu

³ Sangputun niku ti Daka banwa Hirusalim. Sangputun niku inda manga bantayaw pan-gira ag tumpukan daga sa habig alad batu hampay madayik.

Isayas 29:3 Iomraidhean Croise

2 Hari 18:17

Dapat habang ati si Sinakirib sa Lakis, sinugu niya ti takinan niya manga kumandir, ti takinan manga may kangaranan, hanggan ti kumandir sundalu, kuntay pag-ati sa Hirusalim pagpasampak sa kan Hari Isikyas. Pagka ati yi sida sa luwas Hirusalim, nagpat-ung sida sa may arani bululusan danum sa babaw may pagtipunan danum, ati baliwa sa dalan atag sa may piripian.

2 Hari 19:32

“Inda ti pagsabihun Panginuun tungkul sa hari Asirya: ‘Unman siya sumulud sa banwa Hirusalim ngatay makapana. Unman siya makapakarani may panangga ngatay makapalibut sa manga alad batu banwa agud man-gira.

Isayas 1:8

Unman may nasawad nu ud ti Hirusalim. Ga parasirngan inda sa ubasan ngatay payag sa karaw-an tanuman kunduy, ag parihu sa banwa pinalibutan kalaban.

Isikil 21:22

Ti mabunut niya pag ugyung imaw ti may marka Hirusalim. Bag-u manringgit siya sa pagsalakay sa Hirusalim ag panmatayun ti manga mag-uli siyun. Mamauli siya daraka pag manga batang panrup-ag sa sabian Hirusalim. Mamuwat siya daraykan ag mantumpuk daga sa habig alad batu banwa hampay madayik inda.

Matiyu 22:7

Nakan nangisug gid ti hari. Sinugu niya ti usa ka gurupu sundalu, tinudas tunda pag manga manugmatay tawu bag-u kanda tinutdan kanda banwa.

Diyuturunumiyu 20:20

Dapat mahimu niyu pukanun ti manga kayu unman may burak hanggan ti manga may burak dapat balaw mahimu karan-unun, bag-u gamitun niyu inda sa kanyu pagsakup sa banwa tugka sa masakup niyu inda.