Biblia Todo Logo
Bìoball air-loidhne

- Sanasan -




Isayas 28:7 - Hanunuu

7 Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Faic an caibideil Dèan lethbhreac




Isayas 28:7
33 Iomraidhean Croise  

Magtalayib-layib sida parihu sa langu ag unman yi sida makaalam nu unu ti kanda buwatun.


Ti mag-inum makalangu makapasamuk sa tawu ag kurang sa intindi.


Siya imaw ti tawu paralangu, mahilig magsamit sa tuhay-tuhay pag irinmun.


Dapat mapalad ti nasyun kay hari nianak may kadayawan pag lahi ag kay manga takinan mag-alistu lang karan-an sa hustu pag udas hampay sa ikabisug ag balaw sa ikalangu.


Pagguluhun Panginuun ti isip manga Ihipsiyu. Pasalan-salan kanda pagbuwatun pag manga tiklang. Sida ga manga langu magdampiray magsuruka waya.


Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”


Usa lang ti ras-ugan tanan: manughandug man ngatay nasakupan, amu ngatay suruguun, manugtinda ngatay manugpabili, manugpautang ngatay manug-utang.


Mandaplahay inda ga langu ag ga payag magkahalu-halu sa bagyu. Ti kalibutan magkabyatan dahil sa kasalanan, ag mawayak inda udyi utru bumangun.


Kaawaawa ti Samarya, parihu sa sangbaw busang kayu kadayawan manga manuglangu pag takinan manga taga Israil. Ti banwa Samarya sa maabunda pag karatagan, dapat kay karinuan madura parihu sa busang magkarubay.


Para sa kanyu, ti tanan itinultul sa kanyu ga ribru nakasiradu. Nu pag-ipabasa sa tawu madunung magbasa, sabihun niya, “Unman niku tunda mabasa dahil nakasiradu.”


Magkun ti Panginuun, “Pag-ihidun manga kalay-awan kang manga nasakupan. Manga babayi ti magdumara. “Manga nasakupan niku, pagdayaun kamu niyu manga takinan. Pag-abatun nida kamu sa salan pag dalan.”


Nagkasala sa kangku kanmu un-an pag manga ginurang, naglaban sa kangku kanmu manga takinan.


Kaawaawa kamu ti manga surip waya magbangun hampay man-umpisa man-inuman ag manlanguhan tugka sa yabi.


Kaawaawa kamu, kamu pag manga mabisug mag-inum intus ag anad sa magsimbug.


Pagpalpasan niyu ti manga may kasalanan dahil may pabagsak, dapat unman niyu pagpakan-an katadlungan ti ud may kasalanan.


Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.


“Nakitan niku daut masyadu ti manga purupita sa Samarya, dahil magpanhula sida sa ngaran ni Baal ag pagpatalangun nida ti manga nasakupan niku manga Israilita.


Magkun ti Panginuun Makamaskihan sa manga taga Hirusalim, “Danga kamu magpasnu sa pagsabihun manga pudilun pag purupita. Pagpasarigun lang nida kamu sa manga kapudilan. Balaw ginan sa kangku kanda manga pagsabihun pangakakitun, nu unman ginan lang sa kanda sadili naisipan.


Ipinatuyang niya kay pamana sa kay nasakupan, ga kay kalaban. Pinanmatay niya ti tanan pagmahalun niya nasakupan. Ipinasamit niya kay masyadu pangagalit ga apuy sa manga nasakupan Hirusalim.


Balaw tutuu kanda pangakakitun ag kapudilan kanda manga hula. Magkun sida, ‘Magkun ti Panginuun’, dapat balaw aku nagbagaw tunda.


Balaw diman sida mahimu uminum makalangu nu atag sida sa sulud pag sugkadan.


Pagka sa kaarawan nida hari, linangu nida kay manga manugpamahala. Hanggan ti hari nakiinum diman waydi sa manga marapuya niya pag manga manugpamahala.


Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”


“ ‘Kaawaawa kamu! Sa kanyu pangagalit pagpakay-ahun niyu kanyu manga kaarani pag nasyun. Ga paglanguhun niyu sida hampay makitan niyu sida uba-uba.


Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.


Sinabi ni Hisus magkun, “Ati katpung aban nu nakalawuy yi tunda pag kakurian, susun dumulum ti init, dayi maninggit ti bulan, mangalagpak ti manga pamgasan ginan sa langit, ti manga bagay sa panungaan langit daga matandug ag magkalabalyuhan sa panungaan langit daga.


“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.


Kailangan mahalun manga lalaki kanda sadili asawa parihu sa kanda sadili bilug. Nu ti lalaki magmahal sa kay asawa, magmahal siya sa kay sadili bilug.


Lean sinn:

Sanasan


Sanasan