Isayas 28:2 - Hanunuu

² Pagpatingi kamu! Ti Panginuun may inalistu mabaskug ag makapangyarihan pag nasyun imaw ti manwayak sa Samarya. Parihu inda sa magpandaut pag bagyu ag sa magpaywas pag baha.

Isayas 28:2 Iomraidhean Croise

Hub 22:16

Nagkaramatay sida sa balaw waya kanda udas; parihu sida sa patakinan balay inanud baha.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 30:28

Kay arup ga sa mabisug pag bulus mag-aput di tugka sa liug. Rurisun niya ti manga nasyun ga pagsaraun tirigu. Ga manga hayup sida pinaulian rinda pagguyudun.

Isayas 30:30

Ipadnug Panginuun ti madala niya pag busis. Ipakakit niya kay kamang alistu yi pumarusa sa masyadu niya pag isug. Dunganan niya inda maglabdab pag apuy, kadaka bumuhus ti uran, ti linti, ti kilat, hanggan uran yilu ga manga batu.

Isayas 32:19

Una madaut ti kapuruan hanggan ti manga banwa dahil sa mag-uran yilu ga manga batu,

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 8:6

“Dahil binugyahan manga tawu ti danum Silua magbulus malway, ag magbaya sida sa kan Hari Risin hanggan sa kan Hari Pika,

Isikil 13:11

Sabihi inda pag manga maglitis kanda alad batu marup-ag, dahil manpadara aku mabaskug pag uran. Ti uran yilu ga manga batu pumadna sa inda pag alad batu, ag huypun inda mabaskug pag bagyu.

Isikil 38:9

Kawu hanggan kanmu manga sundalu, ag kanmu kaibahan manga nasyun, man-gira sa Israil ga bagyu, ag palibutan niyu inda parihu sa pagsangput rurum.”

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Nahum 1:8

Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Huswi 10:11

Diritsu ti lagas manga Israilita sa kanda habang palus-ug sida ginan sa Bit Hurun. Ag pagka atabug sida sa Asika, pinauranan sida Panginuun daraka pag manga yilu ag nagkaramatay sida. Mas mayamu waya ti nagkaramatay sa kanda sa yilu kaysa baladaw manga Israilita.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”

Ipinakakit 8:7

Pagka inyup usa ka anghil kay budyung, nag-uran yilu hanggan apuy may lakut dugu. Nairub kay ikatlu pag bahagi daga, tapil ti ikatlu pag bahagi manga puun kayu hanggan ti tanan ilamnun malangba nairub.