Isayas 28:16 - Hanunuu

¹⁶ Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 28:16 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

2 Krunika 20:20

Pagka nasurip, nag-atag yi sida ni Husapat sa pangawakawaan Tikuwa. Habang maglakaw sida, pinmat-ung si Husapat ag magkun, “Patingihi niyu aku, kamu pag taga Huda ag taga Hirusalim! Pagpaniwala kamu sa Panginuun niyu Diyus, ag bumaliw marig-un kamu. Pagsarig kamu sa kay manga purupita, ag bumaliw marig-un kamu. Pagpaniwala kamu sa kay purupita, ag manalu kamu.”

Kanta 118:22

Ti dinayu manugpatindug balay pag batu imaw ngap ti nagbaliw patakinan pag batu.

Kanta 87:1

Ibinungsud Panginuun ti banwa Siun sa banal pag bantud. Pagmahalun niya inda pag banwa higit sa tanan rugar sa Israil.

Isayas 14:32

Hintay ti isagut nita sa manga sinugu tunda pag nasyun? Sabihun nita sa kanda ti Panginuun ti nagpatindug Siun, siyun pag palan-ib ti manga magkakurian niya pag manga nasakupan.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 54:11

“Hirusalim, kawu ga binagyu. Nangagwanta kawu unman may namasulung ag namabisug sa kanmu. Dapat utru kawu niku ipatindug sa paratukawan binwat sa batu sapiru, ag gamitun niku ti mahalaga pag manga batu hampay buwatun manga lingub balay nimu.

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Sakaryas 10:4

Ginan sa kanda ti manga takinan parihu sa patakinan pag batu, pamatuk turda, ag pamana paggamitun sa girahan.

Sakaryas 3:9

Huswi, bantayi nimu ti batu ipinauli niku sa kanmu atubangan, may pitu inda ka mata. Paukitan niku inda, ag pamul-un niku ti kasalanan daga Israil sa sulud lang usa ka sirang.

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Ruma 10:11

Pagsabihun sa Banal Kasuratan, “Balaw mibuyu una si unu pag tawu nu sumarig sa kanya.”

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

1 Kurintu 3:11

Dahil unman may makapatindug sa iba batu paratungtungan tulduk, nu unman si Kiristu Hisus lang ti batu ibinugtang Diyus.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”