Isayas 27:4 - Hanunuu

⁴ Balaw yi aku magkagalit sa inda pag ubasan. Dapat sa udas may makitan aku manga halaman may dugi, bul-un niku tida ag sunugun.

Isayas 27:4 Iomraidhean Croise

2 Samwil 23:6

Dapat ti daut pag tawu parihu sa madugi pag halaman pag-iyamut. Balaw sida mahimu bul-un sa panab-anan lang kamang, kailangan waya tunda gamitan baul ngatay kayu, bag-u sunugun sida sa nagkatumpukan nida pag rugar.”

Kanta 103:9

Balaw parargu kay pagtamyaw, ag balaw magpirmaminti kay pangagalit.

Kanta 85:3

Dinura nimu kanmu masyadu pag pangagalit sa kanmi.

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 33:12

Masunug kamu tugka sa bumaliw parihu sa apug. Miparihu kamu sa madugi pag halaman pinukan ag tinutdan.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Malakyas 4:3

Sa udas tupadun niku inda tanan pag manga bagay, rurisun niyu ti manga daut ga galbuk lang tatatataan niyu. Aku, ti Panginuun Makamaskihan, ti magsabi inda.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Hibriyu 6:8

Dapat nu tunda pag daga tubuan manga ilamnun dugihan kay iba, unman may gana tida pag daga ag udyi dugay aban saadan yi Diyus pihu irubun aban apuy.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.