Isayas 27:12 - Hanunuu

¹² Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 27:12 Iomraidhean Croise

Gimpuunan 15:18

Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis.

1 Hari 8:65

Nagdaus Pista Pagpatindug manga Payag si Sulumun hanggan ti tanan Israilita. Mayamu gid pag manga nasakupan ti nagtipun ginan sa Libu Hamat sa amihanan tugka sa luung Ihiptu sa abagatnan. Nagdaus sida sa atubangan Panginuun nida Diyus sa sulud 14 ka sirang — pitu ka sirang para sa pagtalaga Balay Diyus ag pitu waydi ka sirang para sa Pista Pagpatindug manga Payag.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Kanta 68:22

Magkun ti Panginuun, “Pabalikun niku kang manga kalaban ginan sa Basan; pabalikun niku sida ginan sa kalalawdan dagat,

Kanta 72:8

Mana humari siya ginan sa Namatay pag Dagat tugka sa Dagat Miditiranyu, ag ginan sa Sapa Iyupratis tugka sa pinakaarayu pag bahagi sa kalibutan.

Isayas 17:6

Pira-pira lang ti masawad sa kay manga nasakupan. Miparihu siya sa puun ulibu igu naputi kay manga burak. Mahimu duwa aw ngatay tulu lang ka burak ti masawad sa pinakaabwat pag manga sanga, ag upat ngatay lima ka burak sa iba pag manga sanga. Aku, ti Panginuun Diyus Israil, ti magsabi inda.”

Isayas 49:5

Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 44:28

Nu may imaw man masawad sa girahan ag makabalik sa Huda, pira-pira lang. Dahil sitay, maalaman manga nasawad mag-ulian taynguna sitay sa Ihiptu nu kantapu pag bagaw ti masunud — sa kanda aw ngatay sa kangku.

Isikil 20:34

Hu, sa kang masyadu pag kamaskihan ag pangagalit, ipalwas ag bul-un niku kamu ginan sa tuhay-tuhay pag manga nasyun nu naan nagkarawayak kamu,

Isikil 20:41

Nu mab-ul yi niku kamu sa tuhay-tuhay pag manga nasyun nu naan nagkarawayak kamu, tanggapun niku kamu bilang ga mabanglu pag handug. Ipakakit niku sa kanyu kang kabanalan habang magbantay ti iba pag manga nasyun.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Isikil 47:19

“Ti katugkaan sa kanaway ginan sa Tamar atabug sa bulbugan Miriba Kadis diritsu sa bululusan danum sa Ihiptu tugka sa Dagat Miditiranyu. Imaw tunda ti katugkaan sa kanaway.

Amus 9:9

Bantayi niyu! Mansugu yi aku; ayagun niku kamu pag nasakupan Israil kaibahan tanan nasyun, parihu sa mag-ayag manga uyas. Nu kabitay ti manga dariit pag batu unman makalapus sa ayagan,

Sakaryas 8:7

Iribri niku kang manga nasakupan dinara-bihag sa manga daga sa butlakan ag sa isalpan.

Lukas 15:4

magkun, “Halimbawa ti usa sa kanyu may karanidu usa ka gatus bag-u naparaw kay usa ka bilug. Unman aw lugud tayakan niya ti siyampulu may siyam ka karanidu sa pasturan hampay hanapun niya tunda pag nadura hanggan sa ud makitan?

Huwan 10:16

May imaw waya gid aku tuhay pag manga karanidu, unman minsan sa inda pag tudir. Kailangan tabanun diman niku tunda pag manga karanidu, dumungug sida sa kang magbagaw usahun gid sida ka manada, usa lang ka manug-alaga.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huswi 15:4

atabug sa Asmun, bag-u sa Luung Ihiptu tugka sa Dagat Miditiranyu. Imaw tunda ti katugkaan Huda sa salatan.