Isayas 27:11 - Hanunuu

¹¹ Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 27:11 Iomraidhean Croise

Kanta 106:40

Nakan nagalit ti Panginuun sa kay pag-apuun pag nasakupan, ag pagkadat-an niya sida.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 18:5

Bag-u waya rumas-ug ti udas tig-arani, sa udas di waya tigburusang manga ubas ag amat-amat magkalutu kay manga burak, puldun yi Diyus kay manga sanga inda.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 5:13

Nakan kamu pag manga nasakupan niku bihagun dahil unman niyu magkasalman kang pagbuwatun. Kamu hanggan kanyu manga takinan magkaramatay sa lun-us ag uwaw.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Hirimyas 11:16

Kaybi sa un-an ipinaparihu sida Panginuun sa usa ka malangba pag puun ulibu mayamu kay burak. Dapat sa bigla lang paglawuy maglabdaban apuy, mawayak sida ga tinutdan manga sanga udyi may makinabangan.

Hirimyas 13:14

Panlintugun niku sida sa usa kag usa, ti gurang ag ti anak. Balaw gid aku maawa sa pagmatay sa kanda. Aku, ti Panginuun ti magsabi inda.’ ”

Hirimyas 16:5

Magkun waya ti Panginuun, “Danga kawu magsulud sa manga balay may manga namatay. Danga kawu magpanrukuan sa kanda ngatay pumakakit magkaawa una sa kantapu. Dahil bin-ul yi niku kang pagmahal ag pangaawa sa inda pag manga tawu.

Hirimyas 25:37

Ag dahil sa masyadu pag pangagalit Panginuun bumaliw tigangan pag daga ti abunda pag pasturan.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 8:7

May alam waya ti tagwak, ti kalampati ag ti alipasang nu kapira sida pag lumayang atag sa tuhay pag rugar ag nu kapira sida pag bumalik, dapat kamu manga pinili niku unman may alam sa kang manga surundanun.

Isikil 19:12

Dapat dahil sa pangagalit inayit inda, ag iyinmut sa daga. Nabaug kay manga burak dahil sa mainit pag durus ginan sa butlakan. Nalayung kay matibay pag manga sanga ag tinutdan.

Isikil 20:47

Sabiha sa inda pag rugar aku, ti Panginuun Diyus, manpalabdab apuy umirub sa kay kakayuhan layung man ngatay unman. Balaw gid mamatay ti maglabdaban apuy. Sunugun inda ti tanan pag bagay ginan sa kanaway tugka sa salatan.

Isikil 9:10

Nakan unman gid niku sida kaawaan bagkus buwatun diman niku sa kanda ti binwat nida sa iba.”

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Matiyu 13:15

Maganit kay tagipusuun inda pag manga tawu. Makuri makadungug kanda manga tuli, ag ipinusik nida kanda manga mata, dahil dayu nida ibantay ngatay ipakidnug, barang makaunawa kanda tagipusuun ag bumalik sida sa kangku, ag kang paayadun.’

Matiyu 13:19

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 3:10

Taynguna maayangan yi ti wasay sa manga dalid kayu. Ti kada puun kayu nu unman magburak mayad, pukanun bag-u iyamut sa apuy.

Huwan 15:6

Nu ti tawu napablag yi sa kangku, iyamut siya malayung bag-u parihu diman ga manga sanga tipunun siya, bag-u isawug sa apuy hampay sunugun.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 1:31

manga unman may intindi, manga parahimudilun, udyi may awa, udyi sida may pasunaid sa kanda kaparihu.

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.