Isayas 27:1 - Hanunuu

¹ Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 27:1 Iomraidhean Croise

Hub 26:13

Sa kay pag-uyup rinmayaw ti kalangitan, ag sa kay kamaskihan minatay niya ti magyapang pag daragun.

Hub 3:8

Saadan mana ati pag yabi manga mananaad may alam nu kabitay patandugun ti daragun Libyatan.

Hub 40:19

Makadululaw siya sa tanan niku manga linalang, dapat aku ti naglalang sa kanya imaw ti makatalu sa kanya.

Hub 41:1

“Hub, mabanwit aw lugud nimu ti daragun Libyatan? Mahigtan aw lugud nimu lubid kay dungus?

Kanta 104:26

Ti manga barku paatabug-paataytag asan sa kalalawdan, ag asan diman maglanguy-languy ti daragun pag Libyatan kanmu linalang.

Kanta 45:3

Sabakan kanmu baladaw, makapangyarihan pag hari; makamaskihan kawu ag paggalangun.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 51:9

Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Isayas 65:12

Nakan iinalistu niku sa kanyu tanan ti kapaladun mamatay. Dahil pagka nagtawag aku, balaw kamu nagsagut; katpung nagbagaw aku balaw kamu namatingi. Nagbuwat kamu daut sa kang atubangan; nu naan kang pagbugyahan imaw ngap kanyu pagbuwatun.

Isayas 65:25

Sa tunda katpung pag sirang, mirinsanan mangaun ti manga maisug pag simarun ag ti manga karanidu, hanggan ti liyun ag manga baka manharab manga ilamnun. Ti ulay balaw yi mangagat nuud mangaun lang galbuk. Balaw yi may mandaut ngatay may manwayak sa kang banal pag bantud Siun. Aku, ti Panginuun ti magsabi inda.”

Isayas 66:16

Dahil sa panab-anan apuy hanggan baladaw, sintinsiyahan Panginuun ti tanan tawu makasalanan, ag mayamu kay matyun.

Hirimyas 47:6

Magpaingana kamu nu kapira niku pag-apasan ti pagparusa sa kanyu sa panab-anan niku manga baladaw. Pagsabihun niyu ulian yi niku sa palaulian kangbaladaw ag pabay-ani yi lang kamu.

Hirimyas 51:13

Babilunya, abunda kawu sa danum ag abunda diman kawu sa kayamanan. Dapat rinmas-ug yi ti katapusan nimu, ti sirang nimu kadamhakan.

Hirimyas 51:34

Magkun ti manga taga Hirusalim, “Si Hari Nabukudunusur sa Babilunya ga daragun kay naghalun sa kanmi. Nabsug niya kay tiyan manga kayamanan nimi. Tinayakan niya ti banwa nimi unman may isinawad, ga tapayan unman may sukad. Tinabug niya kami ag unman nimi alam nu unu ti buwatun nimi. Buwatun diman mana sa Babilunya kay binuwat niya sa kanmi hanggan sa kanmi manga anak. Bayadan mana nasakupan Babilunya ti manga minatay nida.”

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Amus 9:3

Una patagu waya sida sa katayungtungan Bantud Karmilu, hanapun niku sida ati ag dakpun. Una patagu waya sida sa sirung dagat, suguun niku ti ulay hampay kagtun sida.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 13:11

Bag-u nakitan niku ti usa waya ka hayup malangas nagluwang ginan sa basad daga. Duwa kay sungay parihu sa sungay anak karanidu. Dapat kay bagaw parihu sa bagaw daragun.

Ipinakakit 13:4

Ti tanan tawu nagsamba sa daragun, dahil ipinakaun niya kay karampatan sa hayup malangas. Sinambahan nida hanggan ti hayup malangas, dinayaw nida magkun, “Hintay ti makatulad sa hayup malangas, si unu ti makalaban sa kanya?”

Ipinakakit 16:13

Bag-u nakitan niku may tulu ka bilug labang ga histuda pikaw nagluwang ti usa ginan sa sulang daragun, ti usa ginan sa sulang hayup malangas, ti usa ginan sa sulang pudilun purupita.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.

Ipinakakit 17:15

Sinabi diman anghil sa kangku magkun, “Ti manga danum kanmu nakitan tinukawan babayi uragin, imaw yi ngani ti manga nasyun manga kayamuan tawu, manga tuhay-tuhay kanda pamagaw.

Ipinakakit 19:21

Ti tanan-tanan kayamuan nida sundalu minatay sa matarum pag baladaw magluwang ginan sa bibig tawu masakyan sa kabayu. Ag ti manga manuk nanawa sa tinduk manga bangkay tawu.

Ipinakakit 2:16

Nakan ngani ampui nimu kanmu manga kasalanan. Nu unman iampu nimu kanmu manga kasalanan asan tag yi aku sa kanmu balaw yi dugay bag-u lipulun niku tunda pag manga tawu, tigbasun niku baladaw magluwang ginan sa kang bibig.

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.