Isayas 26:9 - Hanunuu

⁹ Buu tagipusuun kawu paghanap-hanapun nu yabi. Nu sintinsiyahan nimu ti manga tawu sa kalibutan, dumunung sida mangabuhi matadlung.

Isayas 26:9 Iomraidhean Croise

1 Krunika 16:14

Siya ti Panginuun nita Diyus, ag magsintinsiya siya sa buu kalibutan.

Kanta 105:7

Siya ti Panginuun kanta Diyus, ag magsintinsiya siya sa buu kalibutan.

Kanta 119:55

Panginuun, sa yabi pag-alalahanun niku kawu hanggan kanmu kasuguan, nu kabitay niku inda matupad.

Kanta 119:62

Una waya sa karaw-an yabi mag-imata aku sa pagpasalamat sa kanmu dahil sa kanmu matadlung pag manga sugu.

Kanta 130:6

Panginuun, mag-alagad aku sa kanmu higit waya sa manga guwardiya mag-alagad magkasurip.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 63:1

Diyus, kawu kang Diyus ag magdangup aku sa kanmu. Magkauwaw kang buu buhi sa kanmu, ga asan aku sa mamara pag daga unman may danum.

Kanta 63:5

Makabaya aku parihu sa tawu busug gid sa karan-an. Ag dumayaw aku sa kanmu maghuyaw sa kabayaan.

Kanta 64:9

Bag-u dalaun ti tanan tawu. Isip-isipun nida ti binwat Diyus. Ag itultul nida inda.

Kanta 78:34

Pagka minatay niya ti iba sa kanda, ti nasawad nagdangup sa kanya, nag-ampu ag nagpasirung gid sa kanya.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Kabagawan 8:17

Pagmahalun niku ti manga magmahal sa kangku; makitan aku manga maghanap sa kangku.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Karukuan 2:19

Pagbangun kamu sa yabi ag paghagad awat sa Panginuun. Ipadnug ti tanan niyu kabuyatan sa kanya, ga sa magbulus kamu danum. Ipaabwat kanyu manga kamang sa darangin para sa buhi niyu manga anak magkalipung sa lun-us sa manga karsada.

Karukuan 3:25

Ti Panginuun mayad sa manga magsarig ag magdangup sa kanya.

Isikil 5:15

Pakay-ahun, puyaan, ag tamirian kamu manga nasyun sa kanyu kalibut. Bumaliw kamu paandam sa kanda sa udas parusahan niku kamu sa kang masyadu pag pangagalit. Aku, ti Panginuun, ti magbagaw inda.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Markus 1:35

Nagbangun si Hisus abasad waya ti yabi, nagluwas siya sa balay, nag-atag sa rugar pangawakawaan tawu hampay magdarangin.

Lukas 6:12

Ati katpung pag sirang, nag-atag si Hisus sa bantud hampay mandarangin. Usa ka yabi sadsad surip nagparargu kay darangin sa Diyus.

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.