Isayas 26:8 - Hanunuu

⁸ Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 26:8 Iomraidhean Croise

2 Samwil 23:5

Katunda ngani kang linahi sa magbantay Diyus, ag nagbuwat siya kasunduan unman may katapusan sa kangku. Inda pag kasunduan mayad ag malinaw, unman inda mauman. Nakan pihu aku pirmi di iribri Diyus ag ipakaun niya sa kangku ti tanan niku pagkaibgan.

Kanta 106:3

Mapalad ti tawu magbuwat tama ag matadlung sa tanan pag udas.

Kanta 130:5

Panginuun, mag-alagad gid aku sa kanmu. Ag magsarig aku sa kanmu manga bagaw.

Kanta 18:23

Alam nimu unman may ikasabi kang buhi, pag-amanan niku ti kadautan.

Kanta 42:2

Buhi pag Diyus, magkauwaw aku sa kanmu. Kapira waya aku makaatag sa kanmu Balay hampay makapakarani sa kanmu atubangan?

Kanta 65:6

Makamaskihan kawu ag ibinugtang nimu ti manga bantud sa panab-anan nimu kamaskihan.

Kanta 73:25

Unman yi may iba waya sa langit kang pagkailanganun nu unman kawu lang. Dahil kawu atay sa kangku, udyi aku may iba waya paghangadun sa kalibutan.

Kanta 84:2

Gustu gid niku umati! Mag-ayup aku makasaka sa kanmu Balay, Panginuun. Kang buu buhi manganta may kabayaan sa kanmu, buhi pag Diyus.

Pag-ighit 3:15

Magkun waya ti Diyus sa kan Muysis, “Sabiha nimu inda sa manga Israilita: ‘Ti Panginuun, ti Diyus niyu manga ginurang nida ni Abraham, ni Isaak, ag ni Hakub, ti nagsugu sa kangku tag sa kanyu.’ Kilalan-un aku kang ngaran Yawi hanggan aban.”

Kanta ni Sulumun 5:8

Kamu pag manga babayi Hirusalim, pagtaratu kamu nu makitan niyu kang mahal sabihi niyu siya magpanlumuy aku dahil sa pagmahal.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 24:15

Nakan kailangan diman dayawun manga tawu sa butlakan hanggan manga rugar arani sa dagat ti Panginuun, ti Diyus Israil.

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 26:13

Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 33:2

Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 49:23

Sumirbi sa kanmu ti manga hari hanggan ti manga rayna; sida ti mangalaga sa kanmu manga anak. Manluhud sida sa kanmu bilang paggalang, ag pumasakup gid sida sa kanmu. Bag-u maalaman nimu aku ti Panginuun, ti manga magsarig sa kangku balaw mibuyu.”

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Mikas 4:5

Una waya sundun manga tawu kanda manga diyus-diyusan, kami parargu di gid sumunud sa Panginuun nimi Diyus hanggan aban.

Mikas 7:7

“Dapat aku sumarig di sa Panginuun niku Diyus. Mag-alagad aku sa kanya hampay iribri niya aku. Ag pihu patingihan niya kang darangin.”

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Bilang 36:13

Tunda ngani ti manga sugu hanggan manga surundanun ipinakaun Panginuun sa manga Israilita sa panab-anan ni Muysis habang ati sida sa karatagan Muab sa saruy Hurdan sa may arani Hiriku.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Binwat 1:4

Ati katpung, kasaru waya nida si Hisus kay sinabi magkun, “Dag-ighit kamu ginan sa Hirusalim. Alagda gid niyu ti itinaratu ipakaun Ama sa kanyu imaw yi ti sinabi niku daan sa kanyu.

Ruma 8:25

Dapat nu mag-asa kita sa udwaya nita mag-akitan, pihu kita manga matiniisun.

2 Tisalunika 3:5

Kamu kang di pag-idarangin hampay giyahan di Panginuun atabug sa mas lalu waya daka pagmahal sa Diyus hanggan sa karig-unan sa kan Kiristu.