Isayas 26:5 - Hanunuu

⁵ Sa ungud, pag-ipakababa niya ti manga marapadayaw. Pagrup-agun niya kanda manga banwa tugka sa marunut sa daga.

Isayas 26:5 Iomraidhean Croise

Kanta 79:8

Danga kami pagparusahi dahil sa manga kasalanan nimi manga ginurang. Bagkus ngap, kaawai yi gid nimu kami taynguna dahil udyi kami may mahimu.

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 14:13

Magkun kawu sa kanmu sadili, ‘Dumayik aku sa langit, ipauli niku kang turukawan sa tungud manga pamgasan Diyus. Tumukaw aku sa tungud bantud pagtipunan manga diyus baliwa sa kanaway.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 24:10

Mawayak ti banwa ag udyi mapakinabangan. Talakpan ti manga sabian kada balay hampay balaw may makasulud.

Isayas 25:2

Winayak nimu ti manga banwa taga iba nasyun hanggan ti may manga alad batu. Winayak diman nimu ti manga mapag-un pag bahagi nida banwa, udyi nida maipatindug utru.

Isayas 32:19

Una madaut ti kapuruan hanggan ti manga banwa dahil sa mag-uran yilu ga manga batu,

Isayas 47:1

Magkun ti Panginuun, “Babilunya, manukawan kawu sa daga. Manukawan kawu unman may tukawan hari. Kawu parihu sa tugnaw pag babayi, balaw yi tawagun mabuut ag maalumanay.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 51:64

Ag sabihun nimu, ‘Katunda ti mangyari sa Babilunya, mitagbung ag udyi lumutaw waya dahil sa manga kadamhakan ipalakaw Panginuun sa kanya. Magkaramatay kay nasakupan niya.’ ” Inda ti uryan pag itinultul ni Hirimyas.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Isikil 26:11

Tatatataan niya manga kabayu ti tanan niyu manga karsada. Ipamatay niya kanyu manga nasakupan sa baladaw, bag-u kanyu manga matibay pag manga tulduk magkaragpu.

Isikil 28:17

Nagpadayaw-dayaw kawu dahil sa kanmu karinuan, bag-u ginamit nimu sa kadautan kanmu kadunungan hampay maibantug kawu. Inda kay dahilan nu hayga iyinmut niku kawu sa daga, bag-u nagbaliw barantayan kawu iba manga hari.

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.