Isayas 26:4 - Hanunuu

⁴ Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 26:4 Iomraidhean Croise

2 Krunika 20:20

Pagka nasurip, nag-atag yi sida ni Husapat sa pangawakawaan Tikuwa. Habang maglakaw sida, pinmat-ung si Husapat ag magkun, “Patingihi niyu aku, kamu pag taga Huda ag taga Hirusalim! Pagpaniwala kamu sa Panginuun niyu Diyus, ag bumaliw marig-un kamu. Pagsarig kamu sa kay manga purupita, ag bumaliw marig-un kamu. Pagpaniwala kamu sa kay purupita, ag manalu kamu.”

2 Krunika 32:8

Manga tawu lang kay kaibahan niya; dapat kita, kaibahan nita ti Panginuun kanta Diyus. Siya ti mangawat sa kanta ag lumaban para sa kanta.” Nakan tumutum ti manga tawu dahil sa sinabi ni Hari Isikyas sa Huda.

Hub 9:19

Nu kabisugan ti paghampangan, unman may tumalu sa kanya! Nu ilakaw sa hurusayan, si unu ti humabla sa kanya?

Kanta 125:1

Ti manga magsarig sa Panginuun parihu sa bantud Siun balaw magkatandug, bagkus ngap pumirmaminti hanggan aban.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 55:22

Katiwalaan sa Panginuun kanmu manga kaaburiduhan, dahil alagaan niya kawu. Balaw niya pabay-anan maunu magkatalinduwa ti manga matadlung tugka aban.

Kanta 62:11

Balaw lang kas-a nasaydan niku magkun ti Diyus sa kanya ti kapangyarihan ag ti pagmahal.

Kanta 62:8

Kamu pag manga nasakupan Diyus, pagsarig kamu sa kanya sa tanan pag udas! Tultulan sa kanya ti tanan niyu kaaburiduhan dahil siya ti mag-alaga sa kanta.

Kanta 62:9

Ti manga tawu, kilala man ngatay unman, balaw masarigan. Parihu lang sida unman may pulus; magaan waya sida sa durus.

Kanta 66:7

Hari siya sa unman may katapusan sa panab-anan niya kamaskihan, ag pagbantayan niya ti manga nasyun. Ti manga maglaban sa Diyus danga magpadayaw sa kanda sadili.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 45:24

Sumabi sida, ‘Sa panab-anan lang Panginuun ti tawu magkaimaw kabisugan hanggan panalu may katuwiran.’ ” Ti tanan magkagalit sa Panginuun pumakarani sa kanya ag mangay-a.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 51:5

Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Danyil 3:28

Nakan magkun ti hari, “Dayawun ti Diyus nida ni Sadrak, ni Misak, ag ni Abidnigu. Ipinadara niya kay anghil hampay iribri kay manga suruguun magsarig sa kanya. Malu sida unman nagsunud sa kang sugu, pinalabi waya nida ti iyamut sa apuy kaysa mansamba sa una hintay pag diyus purya sa kanda Diyus.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Pilipus 4:13

Kaya niku mabuwat inda tanan dahil si Kiristu tigpabisug sa kangku.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.