Isayas 26:3 - Hanunuu

³ Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 26:3 Iomraidhean Croise

1 Krunika 5:20

Naghagad sida awat sa Diyus pagka nanlaban sida, ag sinagut Diyus kanda darangin dahil nagsarig sida sa kanya. Nakan ipinanalu sida Diyus sa manga Hagriyu hanggan sa tanan kakampi nida.

2 Krunika 13:18

Nakan natalu manga taga Huda ti manga taga Israil sa inda pag labanan, dahil nagsarig sida sa Panginuun, ti Diyus nida manga ginurang.

2 Krunika 16:8

Magkahimatun-an di aw nimu nu unu ti nangyari sa manga taga Itiyupya ag taga Libya, kanda manga sundalu, manga kalisa, ag manga manugkabayu masyadu mayamu? Pagka ati pag panahun, nagsarig kawu sa Panginuun, ag ipinatalu niya sida sa kanyu.

Kanta 119:165

Makatanggap gid mayad pag kahamtangan ti manga magmahal sa kanmu kasuguan, ag unman may makapadamhak sa kanda.

Kanta 125:1

Ti manga magsarig sa Panginuun parihu sa bantud Siun balaw magkatandug, bagkus ngap pumirmaminti hanggan aban.

Kanta 9:10

Magsarig sa kanmu ti magkilala sa kanmu pag manga tawu. Dahil balaw nimu pagbugyahan ti manga magdangup sa kanmu.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 26:12

Panginuun, pakan-i duy nimu kami mayad pag kahamtangan, dahil ti tanan nimi magkabuwat, magkabuwat nimi dahil sa awat nimu.

Isayas 27:5

Dapat maribri siya nu pumakarani ag manhagad awat sa kangku.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 32:17

Ti burak katuwiran imaw ti mayad pag kahamtangan ag kahusayan, hanggan mayad pag kahamtangan hanggan aban.

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 42:19

Kamu kang manga manugsirbi hanggan pinili. Pagsuguun niku kamu kang manga manugbarita, dapat ud may makatupung sa kanyu magpabungul-bungulun ag magpabuta-butaun.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 48:2

Pagsabihun waya niyu kamu manga nasakupan banal pag banwa, ag magpaniwala kamu sa Diyus Israil, kay ngaran Panginuun Makamaskihan.”

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Hirimyas 39:18

Iribri niku kawu. Balaw kawu mamatay sa girahan. Maribri di kawu dahil magsarig kawu sa kangku. Aku, ti Panginuun, ti magsabi inda.’ ”

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Danyil 3:28

Nakan magkun ti hari, “Dayawun ti Diyus nida ni Sadrak, ni Misak, ag ni Abidnigu. Ipinadara niya kay anghil hampay iribri kay manga suruguun magsarig sa kanya. Malu sida unman nagsunud sa kang sugu, pinalabi waya nida ti iyamut sa apuy kaysa mansamba sa una hintay pag diyus purya sa kanda Diyus.

Danyil 6:23

Pagka nasaydan tunda hari, nakabaya gid siya ag nagsugu siya bul-a si Danyil sa kali. Pagkanab-ul si Danyil, unman gid sida may nakitan una di diit pag biyag una di garid sa kay bilug, dahil sa pagsarig niya sa kay Diyus.

Mikas 5:5

Pakan-an niya mayad pag kahamtangan kay manga nasakupan. Nu girahun manga taga Asirya kanta nasyun ag suldun ti mapag-un pag bahagi nita banwa, labanan nita sida sa pangunguna nita manga anad pag takinan.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Pilipus 4:7

Balaw matabu nita masalman kay kahusayan Diyus. Imaw pag kahusayan ti makaingat sa kanyu tagipusuun hanggan sa kanyu naisipan sa kanyu pakiusa sa kan Kiristu Hisus.