Isayas 26:21 - Hanunuu

²¹ Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 26:21 Iomraidhean Croise

Hub 16:18

“Parihu aku sa tawu minatay magpakiawa sa daga kuntay danga dap pagtabuni kay dugu habang unman waya niya natanggap ti matarung.

Hub 20:27

Ipaburayhaw langit kay kasalanan ag kumastigus ti daga laban sa kanya.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 18:4

Dahil inda ti pagsabihun sa kangku Panginuun, “Ginan sa kang tukawan, maariwaya aku magbantay ga magrayaw init sa karaw-an sirang, ga sa magkabuu anitay sa maaringahut panahun tig-arani.”

Isayas 22:14

Magkun sa kangku ti Panginuun Diyus Makamaskihan, “Balaw niya kamu patawadun sa kanyu manga kasalanan tugka sa magkabuhi waya kamu.”

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 65:6

Magkun waya ti Panginuun, “Pagpatingi kamu, nisurat yi ti sintinsiya para sa kang manga nasakupan. Balaw mahimu mamatidung lang aku; bumalus aku. Balusan niku sida angay sa kanda manga kasalanan hanggan ti manga kasalanan nida kaumputan. Dahil magtuub sida manga kamangyan ag linabag aku una sa bantud hanggan sa manga tagudtud. Nakan balusan niku sida angay sa kanda binwat.”

Isayas 66:6

Mag-asaydan aw niyu ti ingay sa banwa hanggan sa Balay Diyus? Ingay tunda Panginuun habang pagbalusan niya kay manga kalaban.

Isikil 8:6

Magkun ti Diyus sa kangku, “Anak tawu, nakitan aw nimu ti pagbuwatun nasakupan Israil? Nakitan aw nimu ti mayagting gid pagbuwatun nida sitaay agud palayasun aku sa kang Balay? Dapat makitan waya gid nimu ti mas subra waya pag kayagtingan.”

Lukas 11:40

Ga ud may namuangan baga kamu. Unman aw Diyus ti nagbuwat kay bilug hanggan sa sulud bilug?

Lukas 11:50

Nakan mitama gid sa inda pag manga tinubu tawu ti kaparusahan tungkul sa tanan purupita minatay ginan waya sa kabag-u pagkalalang kalibutan,

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 18:24

Siyun diman waydi pag banwa pag minatay ti manga purupita, ti manga pinili Diyus hanggan ti tanan minatay sa kalibutan.”